जनमतका उपाध्यक्ष कुशवाहा सहित पक्राउ परेका सबैजना रिहा

न्यूज ब्यूरो, जनकपुरधाम । डा. सिके राउत नेतृत्वको जनमत पार्टीको राष्ट्रिय उपाध्यक्ष ईन्जिनीयर बसन्त कुमार कुशवाहालाई पक्राउ गरेको केही घण्टामै रिहा गरिएको छ ।

रौतहटमा किसान आन्दोलनमा सरिक भएका उपाध्यक्ष कुशवाहासहित जनमत पार्टीका अन्य नेता कार्यकर्ताहरुलाई प्रहरीले पक्राउ गरेको थियो ।

शुक्रबार दिउँसो पक्राउ गरिएका ईन्जिनीयर कुशवाहा सहित अन्य नेता कार्यकर्ताहरुलाई प्रहरीले साँझ रिहा गरेको हो ।

जनमत पार्टीले किसानहरुको तर्फबाट सुरु गरेको किसान आन्दोलनको क्रममा उनलाई रौतहटको चपुरबाट प्रहरीले दिउँसो पक्राउ गरेको थियो ।

ई. कुशवाहा डा. सिके राउतको विश्वास पात्रको रुपमा चिनिएको छ । गैर आवासीय मधेशी सँघका अन्तराष्ट्रिय अध्यक्ष समेत रहिसकेका कुशवाहा मूलधारको राजनीतिमा कदम राखेका छन् ।