प्रदेश २ः कार दुर्घटना हुँदा चार जनाको मृत्यू

न्यूज ब्यूरो, रौतहट । प्रदेश नम्बर २ को रौतहटमा कार दुर्घटना हुँदा चार जनाको मृत्यू भएको छ ।

रौतहटको गौर–चन्द्रपुर सडकखण्डको सखुअवा र जयनगरको बीचमा भारतीय नम्बर प्लेटको कार दुर्घटना हुँदा चारजनाको मृत्‍यु भएको हो ।

गौरबाट चन्द्रनिगाहपुरतर्फ जाँदै गरेको भारतीय बीआर ०५ पीए ६९५३ नम्बरको कार दुर्घटना हुँदा चार जनाको मृत्‍यु भएको जिल्ला प्रहरी कार्यालय रौतहटले जनाएको छ ।

प्रहरीका अनुसार मृतको पहिचान खुल्‍न सकेको छैन । उक्त कारमा ८ जना सवार रहेको प्रहरीले जनाएको छ ।

अहिले घटनास्थल पुगेर प्रहरीले उद्धार कार्य जारी राखेको छ भने सो दुर्घटनामा घाईते भएकाहरुलाई अस्पताल पुरयाइएको बताइएको छ । यसको बारेमा थप विवरण आउन अभै बाँकी छ ।