"सिरहा" प्रदेशकै पहिलो खुल्ला दिसामुक्त जिल्ला घोषणा !
न्यूज ब्यूरो || सिरहा, ०९ चैत । सिरहा प्रदेश नंं. २ को पहिलो खुला दिसामुक्त जिल्ला घोषणा भएको छ । सिरहा सदरमुकाममा आयोजित भव्य समारोहका बीच सिरहालाई खुला दिसामुक्त जिल्ला घोषणा गरिएको हो । सिरहाको शत प्रतिशत घरधुरी तथा संघसंस्थामा सुरक्षित शौचालयको पहुँच पुगेपछि सिरहालाई खुला दिसामुक्त घोषणा गरिएको
२०७४ चैत ९ शुक्रबार, राति ९:२१ बजे२ मिनेट पढाइ
न्यूज ब्यूरो ||
सिरहा, ०९ चैत । सिरहा प्रदेश नंं. २ को पहिलो खुला दिसामुक्त जिल्ला घोषणा भएको छ ।
सिरहा सदरमुकाममा आयोजित भव्य समारोहका बीच सिरहालाई खुला दिसामुक्त जिल्ला घोषणा गरिएको हो ।
सिरहाको शत प्रतिशत घरधुरी तथा संघसंस्थामा सुरक्षित शौचालयको पहुँच पुगेपछि सिरहालाई खुला दिसामुक्त घोषणा गरिएको छ ।
खुला दिसामुक्त घोषणाको अवसरमा निर्माण गरिएको सरसफाइ स्तम्भको प्रदेश नं। २ का मुख्यमन्त्री लालबाबु राउतले अनावरण गर्नुभयो ।
यसैबीच मुख्यमन्त्री लालबाबु राउतले प्रदेश २ मा स्वच्छताको स्तरलाई उच्च बनाउन ‘मुख्यमन्त्री स्वच्छता अभियान’ घोषणा गरेका छन् ।
सिरहालाई प्रदेश २ को पहिलो खुल्ला दिशामुक्त जिल्ला घोषणा गर्दै मुख्यमन्त्री राउतले स्वच्छता मानव विकासको पहिलो खुटकिलो रहेको उल्लेख गर्दै त्यसका लागि सरकारले स्वच्छता अभियानलाई नीति तथा कार्यक्रममा समेटेर बजेट पनि व्यवस्था गर्ने बताए ।
प्रदेशलाई सफा बनाउन आफू आठै जिल्लाको सडकमा झाडू लिएर उत्रिने उद्घोषसमेत उनले गरे । मुख्यमन्त्री राउतले मानव विकास सूचकांकमा धेरै पछाडि रहेको प्रदेश २ लाई स्वास्थ्य, शिक्षा र रोजगारमा ठूलै फडको मार्नुपर्ने आवश्यकता औल्याउदै त्यसका लागि सबैको सहयोग आवश्यक रहेको बताए ।
‘अहिलेसम्म हाम्रो विकास भएन भन्ने हामी भन्दै थियौ तर अब जिम्मेवारी हाम्रै काँधमा आएको छ । सबैलाई मिलेर यो जिम्मेवारीलाई पुरा गर्नुपर्छ’ उनले भने ‘जनप्रतिनिधिहरुलाई सबैभन्दा बढी इमान्दार भएर अगाडि बढ्नुपर्छ । अनि मात्र हामी देशकै नमूना प्रदेश बनाउन सक्छौं ।’
भ्रष्टाचार यस प्रदेशको सबै भन्दा ठूलो समस्या रहेको उल्लेख गर्दै मुख्यमन्त्री राउतले सरकारले शून्य सहनशीलताको नीति अवलम्बन गरेकाले भ्रष्टाचार गर्ने जो कोहीलाई पनि छुट निदिइने चेतावनी समेत दिए ।
उनले सर्वसाधारणलाई आग्रह गरे ‘कर्मचारी वा जनप्रतिनिधिले कुनै पनि काममा अनियमितता वा ढिलासुस्ती गर्छन् भने हामीकहाँ उजुरी गर्नुस्, हामीले पनि अटेरी गरे सडकमा आउने छुट तपाईलाई छदैछ ।’
मुलुकको ४८ औ खुल्ला दिशामुक्त जिल्ला बनेको सिरहाका स्थानीय तथा अभियानीहरुलाई बधाई दिदै मुख्यमन्त्री राउतले प्रदेशको बाँकी जिल्लाको लागि सिरहा मार्ग दर्शक बन्ने विश्वास व्यक्त गरे ।
घोषणा सभामा बोल्दै मुख्यमन्त्री राउतले सरसफाइ बिना कुनै पनि बिकासको कल्पना गर्न नसक्ने भएकाले सरसफाइ र स्वच्छतामा विशेष जोड दिनुपर्ने बताउनुभयो ।
खुला दिसामुक्त कार्यक्रमलाई सम्बोधन गर्दैै आर्थिक मामिला तथा योजना मन्त्री विजय यादबले सरसफाइलाई निरन्तरता दिन आग्रह गर्नुभयो । कार्यक्रममा हजारौंको सहभागिता रहेको थियो ।
कस्तो महसुस भयो ?
प्रतिक्रिया दिन साइन इन गर्नुहोस्
टिप्पणी
आफ्नो विचार राख्न साइन इन गर्नुहोस्।
लोड हुँदै…