सशस्त्र प्रहरी बेश लहानमा ईन्चार्ज भएर आए डिएसपी पाण्डे

न्यूज ब्यूरो, सिरहा । सशस्त्र प्रहरी बल लहानको डिएसपी एवम् ईन्चार्जमा सँजीव पाण्डे आएका छन् । उनी बाराबाट सरुवा भएर लहानमा आएका हुन् ।

सशस्त्र प्रहरी बल लहानका डिएसपी सुशील श्रेष्ठ आफ्नो कार्यकाल सफलता पूर्वक निर्वाह गरि लहानबाट सरुवा भएका छन् ।

उनी सशस्त्र प्रहरी बल ६ नं गण राजबिराजमा गएका छन् । सशस्त्र प्रहरी १२ बटालियन बाराबाट सरुवा भइ डिएसपी सुशील श्रेष्ठको ठाउँमा सशस्त्र प्रहरी बेस लहानमा डिएसपी पाण्डे आएका हुन् ।

डिएसपी श्रेष्ठले लहानमा हुँदा आफ्नो कार्यकालमा कैयौँ अपराधी तथा अभियुक्तलाई पक्राउ गर्न सफल भएका थिए । लागुऔषध, चोरी निकासीको घटनामा उनले न्यूनिकरण गरेका थिए ।

बेस क्याम्प लहानमा बाराबाट पाण्डे आएपछि उनको कार्यकाल र कार्यसम्पादन पनि उत्तम हुने आम नागरिकको विश्वास छ । उनी बारामा हुँदा उनले चोरीनिकासी, वन चोरी निकासी, लागुऔषधका अभियुक्तलाई पक्राउ गरी अपराध न्यूनिकरणमा सहयोग गरेका हुन् ।