काँग्रेसको प्रदेश सभापतिको लागि यादवद्धयको उम्मेदवारी, नीधि र देउवाको छुट्टाछुट्टै उम्मेदवार

विनय कु. यादव, जनकपुरधाम । नेपाली कांग्रेसको प्रदेश २ को सभापति पदका लागि धनुषा र रौतहटबाट दुई जना उम्मेदवारी दर्ता गराएका छन् ।

जसको लागि कांग्रेसको प्रदेश २ संसदीय दलका नेता सहित भौतिक पूर्वाधार विकासमन्त्री समेत रहेका नेता रामसरोज यादवले उम्मेदवारी दर्ता गराएका हुन् ।

त्यही सभापतिकै लागि प्रदेश नम्बर २ को रौतहट जिल्लाका कृष्ण यादवले समेत उम्मेदवारी दर्ता गराएका छन्। यी दुवै जना दुई गुटको मानिन्छ ।

प्रदेश नम्बर २ को अस्थायी राजधानी जनकपुरधामको गोपाल धर्मशालास्थित राखिएको मतदानस्थलमा पुगेर यादवद्धयले आज दिउँसो उम्मेदवारी दर्ता गराएका हुन् ।

सभापतिमा उम्मेदवारी दिएका रामसरोजलाई नेता विमलेन्द्र निधिको समर्थन छ भने कृष्णलाई सभापति शेरबहादुर देउवाको समर्थन रहेको बुभिएको छ । यद्यपी, केन्द्र तहमा नीधि र देउवा मिलिसकेका छन् ।

उम्मेदवारी दर्तापछि न्यूज ब्यूरोसँग कुराकानी गर्दै नेता रामसरोज यादवले सभापतिको लागि पहिलेदखि नै उदघोष गरेको बताउँदै सहयोगको अपेक्षा राखे । सँचारकर्मीको एक प्रश्नको जवाफमा नेता यादवले आफू कुनै पनि गुटबाट नभई मात्र काँग्रेसको तर्फबाट उम्मेदवारी दिएको बताए ।

नेता यादवलाई सँचारकर्मीले तपाई बिलेन्द्र नीधिको गुटबाट उम्मेदवारी दिएको प्रश्नमा उनले कुनै गुट उपगुटबाट उम्मेदवारी नदिएको प्रक्रिया दिए । उनले आफूलाई सबैको समर्थन रहेको बताउँदै उनले आफ्नो जित सुनिश्चित रहेको दाबी पनि गरे।

यता, प्रधानमन्त्री एवम् नेपाली काँग्रेसका सभापति शेर बहादुर देउवाको पक्षबाट कृष्ण यादवले उम्मेदवारी दर्ता गराएका हुन् । उनलाई पनि सोही प्रश्न सोध्दा उनले पनि कुनै गुटबाट उम्मेदवारी नदिएको प्रतिक्रिया दिए ।

सोही क्रममा प्रदेश २ को महिला बालबालिका युवा तथा खेलकुदमन्त्री वीरेन्द्र सिंह र उपेन्द्र यादवले उपसभापति पदमा उम्मेदवारी दर्ता गराएका छन्।

निर्वाचनबाट प्रदेश सभापति, २ उपसभापति, महामन्त्री, एक महिलासहित तीन सहमहामन्त्री र सदस्यहरू चयन गर्नेछ।

प्रदेश २ को सभापतिको लागि वर्तमान प्रदेश २ का मन्त्री समेत रहेका रामसरोज यादवले चुनावमा पहिलेदेखि नै सरगर्मी बढाएका थिए ।