पर्सी आईतबार सार्वजनिक विदाको घोषणा, कहाँ कहाँ विदा हुने ?

न्यूज ब्यूरो, जनकपुरधाम । नेपाल सरकारले आगामी आईतबार (पर्सी) सार्वजनिक विदा दिने भएको छ । राजपत्रमा उल्लेख अनुसार आईतबार काठमान्डौँमा सार्वजनिक विदा दिने भएको छ ।

नेपाल सरकारको गृह मन्त्रालयले शुक्रबार एक सूचना जारी गर्दै पर्सी आईतबार एक दिनको लागि सार्वजनिक विदा दिने उल्लेख गरेको छ ।

वि.सं. २०७८ साल पुस ४ गतेका दिन उधौली पर्व, योमरी पुन्ही ज्यापू दिवस (धान्य पूर्णिमा) को अवसरमा एक दिने सार्वजनिक विदा दिएको हो ।

किराँत समुदायले मनाउने उधौली पर्वको लागि देशभरि छरिएर रहेको सो समुदायको लागि मात्र विदा दिएको छ भने काठमान्डौ उपत्यकाको हकमा सार्वजनिक विदा दिएको हो ।

पत्रमा उल्लेख भए अनुसार, किराँत समुदाय बसोवास रहेको ठाउँमा सो समुदायको लागि आईतबार विदा दिएको छ भने काठमान्डौभित्र सार्वजनिक विदाको घोषणा गरिएको हो ।