विद्युत प्राधिकरणको बील सँकलन काउण्टर पाँच दिनसम्म बन्द हुने

न्यूज ब्यूरो, जनकपुरधाम । नेपाल विद्युत प्राधिकरणले पाँच दिनसम्म बील सँकलनको काउण्टर अर्थात आय सँकलन काउण्टर बन्द गर्ने सूचना गरेको छ ।

विद्युत नियमन आयोगको गत कार्तिक ८ गतेको निर्णय अनुसार, विद्युत प्राधिकरणको उपभोक्ता २०७८ मँसिर (अगहन) महिनाको खपत अर्थात २०७८ पुस १ गतेदेखिको रिडिँगमा लागु हुने नयाँ विद्युत महसुल निर्धारण भएको र परिवर्तित महसुल दर विद्युत प्राधिरकरणको एम–पावर M-Power बिलिँग सिस्टममा अपडेट गर्नुपर्ने भन्दै पाँचदिनसम्म काउण्टरहरु बन्द गर्ने सूचना गरेको हो ।

पुस १ गतेदेखि लागु हुने गरी सो प्रणालीमा एकसाथ लागु हुने गरी अद्यावधिक (अपडेट) गर्नुपर्ने भन्दै प्राधिकरणले १ गतेदेखि ५ गतेसम्म विद्युत महसुस काउण्टरहरु बन्द गर्ने निर्णय गरेको हो ।

नेपाल विद्युत प्राधिकरणको वितरण तथा ग्राहक सेवा निर्देशनालय दरवारमार्ग काठमान्डौँले जारी गरेको सो सूचनामा पाँचदिन सम्म आय सँकलन काउण्टर बन्द रहने जनाएको छ ।