बिमलेन्द्र नीधिले नेपाली काँग्रेसका सभापतिमा दिए उम्मेदवारी

न्यूज ब्यूरो, जनकपुरधाम । नेपाली कांग्रेसका उपसभापति बिमलेन्द्र निधिले पार्टीको १४ औँ महाधिवेशनमा सभापतिमा उम्मेदवारी दर्ता गराएका छन्।

राष्ट्रिय सभागृहमा पुगेर निधिले आफ्नो उम्मेद्धवारी दर्ता गराएका हुन् । निधिले उम्मेद्धवारी दर्ता गराएसँगै कांग्रेसको नेतृत्वको लागि कडा प्रतिष्पर्धा हुने भएको छ। उम्मेद्धवारी दर्ताको लागि अहिले ५ बजेसम्मको लागि समय तोकिएको छ।

यसअघि आजै सभापति पदका लागि प्रकाशमान सिंह, कल्याण गुरुङ र युवराज न्यौपानेले मनोनयन गरिसक्नुभएको छ । महाधिवेशनअन्तर्गत नयाँ कार्यसमिति चयनका लागि उम्मेदवारी मनोनयन गर्ने क्रममा भर्खरै चन्द्र भण्डारी र धनराज गुरुङले उपसभापति पदामा उम्मेदवारी दर्ता गराउनुभएको छ ।

यसअघि उपसभापतिमा नेता महेश आचार्य र सुजाता कोइरालाले पनि मनोनयन दर्ता गराउनुभएको थियो । त्यस्तै सहमहामन्त्रीमा रञ्जीत कर्ण, रामकृष्ण यादव, किशोरसिंह राठौर, कमला पन्त, जीवन परियार, विकास लामा र तेजुलाल चौधरीले पनि उम्मेदवारी दर्ता गराउनुभएको छ ।