महोत्तरीमा बुहारीले कुटपिट गर्दा सासुको मृत्यू

न्यूज ब्यूरो, जलेश्वर । प्रदेश नम्बर २ को महोत्तरी जिल्लास्थित बुहारीले कुटपिट गर्दा सासुको मृत्यू भएको छ ।

जिल्लाको मटिहानी नगरपालिका ७ निवासी विन्देश्वर खत्वेको श्रीमति ६० वर्षिया जगतारण देवीको उनकै कान्छा छोरा उमेश खत्वेको श्रीमति ३७ वर्षिया तेतरी देवी खत्वेले कुटेपछि मृत्यु भएको हो ।

सासु र बुहारी विच कुटाकुट र झगडा पर्दा बुहारीले सासुलाइ कुटदा शरिरका विभिन्न भागमा चोट लागेको र लौरोले टाउकोमा समेत चोट लाग्दा उनको मृत्यु भएको हो ।

जिल्ला प्रहरी कार्यालय महोत्तरीका कार्यालय प्रमुख एसपी दिनेश आचार्यले घटना वारे विहिवार विहान ३ः३० बजे खवर आएकोमा सोहि वेला प्रहरी पुगि बुहारीलाई नियन्त्रणमा लिएको बताए ।

उनले मृत्युको यकिन कारण अहिले खुलिनसकेकोमा पोष्टमार्टम रिपोर्ट आएपछिमात्र केहि भन्न सकिने बताए । यता, शवलाई जलेश्वर अस्पतालमा पोष्टमार्टम गरी परिवारजनलाई जिम्मा लगाइएको बताइएको छ ।