सरकारी स्कूलमा चन्दा दिने दाताहरुलाई सम्मान

राधेश्याम कुशवाहा, सर्लाही । सर्लाहीको बरहथवा नगरपालिकाको एक विद्यालयमा चन्दादाता सम्मान कार्यक्रम सम्पन्न भएको छ ।

बहरथवा नगरपालिका वडा नम्बर ११ रामनगर हिरापुर स्थित श्री जनता माध्यमिक विद्यालयले दस जोड दुई संचलानार्थ अमूल्य चन्दा प्रदान गर्नुभएको दाताहरुलाई सम्मान गरेको छ ।

वडाअध्यक्ष रामकैलास मुखियाको अध्यक्षता र बरहथवा नगरपालिकाको ऐतिहासिक एवम गरिमामय पदमा आसिन मेयर देवान्द महतो को प्रमुख आतिथ्यमा चन्दादातालाई फुलको माला, अबिर र दोसल्ला ओढाई सम्मान गरिएको छ ।

गोविन्द प्रसाद चालिसे संस्थापक अध्यक्षद्वारा वि.सं. २०२२ सालमा स्थापना र त्यसको एक बर्षपछि स्विकृति प्राप्त गरीे एक जना पहिलो शिक्षक प्रधानाध्यापक रामपरिक्षण राउत बाट संचालित विद्यालयमा हाल १४ सय भन्दा बढी विद्यार्थीहरु अध्ययनरत रहेका छन ।

विद्यालय स्थापना कालमै स्वर्गिय विश्वेश्वर प्रसाद मुडभरीले २ विघा जमिना दान गर्नुभएको थियो भने दस जोड दुई संचालनका लागि सबैभन्दा ठूलो धनराशि सुधिरकुमार अधिकारीले ६ लाख ५ सय ५५ र अनन्त साह ले ५ लाख ५१ हजार १ सय ११ सहयोग गर्नुभएको छ ।

कार्यक्रममा विद्यालय संचालनममा महत्वपूर्ण योगदान दिनुभएका विद्यालयका पूर्व शिक्षक, प्रधानाध्यापक र विद्यालय अध्यक्ष, निवर्तमान शिक्षक, अध्यक्ष र प्रधानाध्यापक लगायत संचारकर्मीलाई समेत सम्मान गरिएको छ ।

अतिथिहरुको सम्मानमा विद्यालयका विद्यार्थी भाईबहिनीहरुले थारु, मैथिली, मधेसी र नेपाली सांस्कृति झल्काउने थारु संस्कृतिक नृत्य, झिझिया, धोति कुर्ता गम्छा पगडी र शिरैमा शिरबन्दी कानैमा मेरो झुम्का लगायत गितमा लोकनृत्य प्रस्तुतले कार्यक्रम थप रोचक बनेका थिए ।

शिक्षाप्रेमी शिक्षक विनोद कुशवाहा विद्यालयको अभिभावको जिम्मेवारी पाए लगत्तै आफनै दुई कार्यकालकै अवधिमा आधारभूतसम्म संचालनमा रहेको विद्यालयलाई मावि र माविबाट चन्दा उठाएर दस जोड दुई सम्म संचालनका लागि उहाँले गर्नुभएको अर्थक प्रयास र लगनको सबै वक्ताले प्रशँसा गरेका थिए ।

विद्यालयको प्रधानाध्यापक प्रमोद कुमार झा को स्वागत मन्तव्य र प्रमुख अतिथि मेयर महतो द्वारा दिप प्रज्वलन गरीे औपचारिक शुभारम्भ भएको कार्यक्रमलाई नेपाली विषयका शिक्षक संचारकर्मी र विद्यालयका पूर्व विद्यालय अध्यक्ष विनोद कुशवाहाले संचालन गरेका थिए ।

कार्यक्रममा विशिष्ट अतिथि जसपाका पार्टीका जिल्ला सचिव जयप्रकाश यादव, शिक्षा शाखा प्रमुख अनिल साह, शिक्षक महासंघ बरहथवाका अध्यक्ष भरत महतो, रेडियो तुफानका संचालक राजेन्द्र सिंह कुशवाहा, चन्दादाता, विद्यालयका शिक्षक, अभिभावक, विद्यार्थी, शिक्षाप्रेमी समाजसेवी, बुद्वजिवी, संचारकर्मी लगायत स्थानियवासीको उल्लेखनिय सहभागिता रहेको आयोजकले जनाएको छ ।