राष्ट्रपतिले रेल विद्येयक जारी गरेपछि हाम्रो अभियान र आन्दोलनको एक तह सफल भयोः युवा नेता साह

न्यूज ब्यूरो, जनकपुरधाम । नेपाल रेल्वे सँचालन अभियानका अभियानी एवम् लोकतान्त्रिक समाजवादी पार्टी (लोसपा) का युवा नेता मनोज कुमार साहले रेल विद्येयक जारी भएपछि आन्दोलनको एक तह पार भएको प्रतिक्रिया दिएका छन् ।

रेल सँचालनको लागि विगत १५ दिनदेखि नै आन्दोलन जारी राख्दा प्रदेश सरकार मार्फत केन्द्र सरकारसम्म रेल चलाउनको लागि दबाब भएको उनले बताए ।

उनले रेल सँचालन अभियान उत्कर्षमा हुँदा राष्ट्रपतिले रेल विद्येयक २०७८ जारी गरेपछि आन्दोलनको एक तह सफल भएको बताए । रेल सँचालनको लागि स्थानीय तहबाटै आन्दोलन सुरु गरेको बताउँदै उनले प्रदेश सरकार मार्फत केन्द्र सरकारलाई समेत ज्ञापन पत्र बुझाएको बताए ।

विवाहपँचमीको दिनदेखि नै रेल सँचालनको लागि दबाब सिर्जना गरेपनि रेल सँचालनको तत्काल स्थित नदेखाएकोप्रति दुःख व्यक्त गरे ।

यसका साथै, उनले रेल विद्येयक २०७८ जारी गरेपनि नागरिकता विद्येयक नल्याएको भन्दै नागरिकता विद्येकको लागि पनि आन्दोलन थाल्ने बताए । उनले जन्मसिद्ध नागरिकहरुलाई देशको अनागरिक बनाएर राख्नु कतिको जायज रहेको भन्दै प्रश्न तेर्साए ।

उनले रेल सँचालन अभियानको लागि दबाब सृजना गर्न साथ दिने ईन्जिनीयर कैलाश ठाकुर सहित शिव मण्डल, उत्तिमलाल पासवान, राम उदगार दास, धनिकलाल धामी, छोटेलाल सहनी लगायतका लोसपाका सदस्यहरुलाई आभार प्रकट गरे ।