नागरिकताको साथै न्यानो कपडा पनि बाँडदै सिडिओ कणेल

न्यूज ब्यूरो, सिरहा । निरन्तर चर्चामा रहँदै आएका सिरहाका प्रमुख जिल्ला अधिकारी प्रदीपराज कणेलले यस वर्षपनि सेवा सहित न्यानो कपडा दिन सुरु गरेका छन् ।

गत वर्ष जिल्ला प्रशासन कार्यालय सिरहामा सेवाको लागि आउने सेवाग्राहीमध्ये विपन्न सेवाग्राही, वृद्धवृद्धा तथा जरुरतमन्दलाई न्यायो कपडा सहित घर पठाएका सिडिओ कणेलले यसवर्ष पनि सो अभियानलाई निरन्तरता दिएका छन् ।

हुनेले नहुनेलाई सहयोग गरौँ भावना सहित सिडिओ कणेलले जिल्ला प्रशासन कार्यालय सिरहामा नागरिकता बनाउन आउने तथा अन्य सेवाको लागि आउने सेवाग्राहीलाई न्यानो माया सहित घर फर्काउने गरेका छन् ।

आउँन लागेको चिसोको कारण सेवाग्राहीलाई कपडा सहितको सेवालाई निरन्तरता दिएका हुन् । मँगलबार मात्र एक सेवाग्राहीलाई नागरिकता दिनुको साथै न्यानो कपडा समेत दिए ।

शीतलहर पूर्व तयारी तथा प्रतिकार्य योजना २०७७ लाई २०७८ सालमा पनि निरन्तरता दिने जिल्ला विपद ब्यवस्थापन समिति सिरहाको निर्णय अनुसार सिडिओ कणेलले विपन्न सेवाग्राहीलाई न्यानो कपडा समेत दिने गरेका छन् ।