मोसा दुर्घटनामा परी काँग्रेसका नेता शिवधारी यादव घाईते, काठमान्डौँ लगिदै

न्यूज ब्यूरो, जनकपुरधाम । नेपाली काँग्रेसका नेता एवम् पूर्व साँसद शिवधारी यादव मोटरसाईकल दुर्घटनामा परी गम्भिर घाईते भएका छन् ।

मँगलबार दिउँसो पार्टीको कामले घरबाट जनकपुर जाने क्रममा बाटोमै मोटरसाईकल दुर्घटना हुँदा उनको हातमा गम्भिर चोट लागेको बताइएको छ ।

धनुषा शहिदनगर नगरपालिकाका नेपाली काँग्रेसका नगर सभापति तेजीलाल यादवसँग जनकपुर जाने क्रममा बाटोमै मोटरसाईकल दुर्घटनामा परेको उनका नाती रुपेश यादवले जानकारी दिए ।

मोटरसाईकलबाट लडदा उनको हात भाँचिएको जनाईएको छ । चिकित्सकलाई उदृत गर्दै यादवले उनको हातलाई अपरेशन गर्नुपर्ने अवस्था भएकोले तत्कालै उपचारको लागि काठमान्डौँ लैजाने तयारी गरिएको छ ।

उनको अहिले ६ बजेको फ्लाइटबाट काठमान्डौँस्थित ट्रमा सेन्टर लग्ने तैयारी गरिएको हो । नेपाली काँग्रेसमा शिवधारी यादव धनुषामै सबभन्दा इमान्दार नेताको रुपमा चिनिन्छन् ।