सर्लाहीको हरिपुर्वा वडा नं. ८ सभापतिमा राय सर्वसम्मत

न्यूज ब्यूरो, सर्लाही । काँग्रेसको जारी अधिवेशनबाट प्रदेश नम्बर २ को सर्लाही जिल्लास्थित हरिपुर्वा नगरपालिकाको वडा नं. ८ वडासभापतिमा राम आश्रय राय सर्व सहमतिले चयन भएका छन् ।

सोमबार सम्पन्न नेपाली काँग्रेसको १४ औँ वडा अधिवेशनबाट रायलाई सक्रिय सदस्यहरुले सर्व सहमति दिएपछि उनी वडासभापतिमा निर्विरोध चयन भएका छन् ।

वडा समितिको उपसभापतिमा रामेश्वर राय र विजनन्दन राउत कुर्मीलाई सर्व सहमतिले चयन गरिएको छ । यस्तै वडा कार्य समितिको सचिवमा कविन्द्र यादव र राजीव रायलाई चयन गरिएको छ ।

सम्पन्न १४ औँ अधिवेशनबाट बुधन पण्डित र सरोज रायलाई चयन गरिएको छ । गठन गरिएको २७ सदस्यीय समितिको लागि सोमबार अवेर साँझ अधिवेशन सम्पन्न भएको थियो ।

सोही वडाको लागि क्षेत्रीय प्रतिनीधिमा महेश यादव, राम लखन दास, सियाराम राय, विन्देश्वर राय लगायत १५ जनालाई चयन गरिएको जनाइएको छ ।