नेपाली काँग्रेस क्षेत्र २ (ख) बाट प्रदेश महाधिवेशन प्रतिनीधिमा यादव र राय

न्यूज ब्यूरो, जनकपुरधाम । नेपाली काँग्रेसको धनुषा निर्वाचन क्षेत्र नम्बर २ (ख) को सभापतिमा सुमेन्द्र प्रसाद साह चयन भएका छन् । उनी सर्वसहमतिले चयन भएका हुन् ।

शुक्रबार सम्पन्न नेपाली काँग्रेसको १४ औँ महाधिवेशनबाट साहलाई धनुषा निर्वाचन क्षेत्र नम्बर २ (ख) को क्षेत्रीय सभापतिमा सर्वसहमतिले चयन गरिएको हो ।

समितिको उपसभापतिमा दुलारचन साह र दिपनारायण यादवलाई चयन गरिएको छ । क्षेत्रीय समितिको सचिवमा राम विनोद यादव र पुष्पेन्द्र गोईतलाई चयन गरिएको हो ।

शुक्रबार सहमतिमै भएको अधिवेशनबाट क्षेत्रीय समितिको सह सचिवमा धर्मेन्द्र भर्खेर र राम भरोस मण्डललाई चयन गरिएको हो ।

यसका साथै, नेपाली काँग्रेसको प्रदेश समितिको अधिवेशनको लागि निर्वाचन क्षेत्र नम्बर २ (ख) बाट महाधिवेशन प्रतिनीधिमा सतेन्द्र चोरवार यादवलाई चयन गरिएको छ । काँग्रेसको प्रदेश महाधिवेशन प्रतिनीधिको लागि यादवलाई सर्व सहमतिले चयन गरिएको हो ।

यसका साथै, धनुषा निर्वाचन क्षेत्र नम्बर २ (ख) को औरही गाउँपालिका वडा नम्बर २ बाट क्षेत्रीय प्रतिनीधि चयन भएका कृष्ण बहादुर राय (कृष्णा) लाई पनि महाधिवेशन प्रतिनीधिको रुपमा चयन गरिउको हो ।

प्रदेश महाधिवेशनको लागि लक्ष्मी महतो समेत निर्विरोध र सर्व सहमतिले चयन गरिएको बताइएको छ ।