उपमेयर झा विरुद्ध किन उत्रे वडाध्यक्ष र सदस्यहरु ?

न्यूज ब्यूरो ||
जनकपुरधाम, ६ चैत्त । धनुषाको हँसपुर कठपुल्ला नगरपालिकामा अहिले मेयर र उपमेयरबीचको तनाव बढ्दै गएको छ ।

नगरकी उपमेयर रेणु झाले मेयर राम ज्ञान मण्डल विरुद्ध पार्टीगत रिसवीका कारण अनसन बसेकी थिइन, अनसन तोडेको १२ घण्टा न बित्दै बिभिन्न पाँच सुत्रिय माग राखी वडा अध्यक्ष लगायत सदस्यहरुहरुले झा बिरुद्ध धर्नामा बसेका छन् ।

उपमेयर रेणु झालाई कानुनको ज्ञान नै नभएको र जे कुरामा पनि आफ्नै अडान मात्रै राख्ने गरेकाले त्यसको बिरुद्ध धर्नामा बस्नु परेको वडा नम्बर ३ का वडा अध्यक्ष उदय कुमार सिंहले बताए ।

उपमेयर झाको यस्तो प्रबृतिले गर्दा स्थानीय जनता अहिले नै आजित भएको सिंहले गुनासो गरे ।

उपमेयर झाले शंकाकै आधारमा र हचुवाको तालमा अनसन बसेर सस्तो लोकप्रियता कमाउन खोजेको सिंहले आरोप लगाए ।

धर्ना कार्यक्रमलाई मेयर राम ज्ञान मण्डल सहित ४ सय ५२ जनाले हस्ताक्षर गरेर एक्येबद्धता जनाएको छ ।

आफुलाई कसैले भेट्न गए पनि उपमेयरले घरबाट कार्यालय सञ्चालन गरेको आरोप लागाउदै आएको मण्डलले बताए ।

हंसपुर नगरपालिकाको केन्द्र सार्ने विषयमा मेयर रामज्ञान मण्डल र उपमेयर झाबीच विवाद भएपछि कार्यालयमा तालाबन्दी भएको थियो ।

बघचौडामा रहेको नगरपालिका कार्यालय मेयर मण्डलले अन्यत्र सार्न लागेको भन्दै उपमेयर झाले विरोध जनाएकी छिन् ।

यता मेयर मण्डलले स्थानीय सरकार सञ्चालन ऐन २०७४ मा निर्वाचनको ६ महिनाभित्र दुईतिहाइ बहुमतले केन्द्र परिवर्तन गर्न सकिने प्रावधान रहेको बताए ।

‘नगरवासीलाई पायक पर्ने स्थानमा कार्यालय सार्न सदस्यहरूको दबाब रहेका कारण केन्द्र सार्ने प्रस्ताव मात्र राखेको बताए ।

'दुईतिहाइभन्दा बढी बहुमतले कार्यालय सार्न दबाब दिएकाले कानुनअनुसार प्रक्रिया अगाडि बढाउनु मेरो कर्तव्य हो,’ उनले भने ।

नगरपालिकामा फागुन २८ गते देखी तालाबन्दी भएपछि जन्मदर्ता, विवाहदर्ता तथा विकास निर्माणका कार्य प्रभावित भएका छन् ।

यस अघि उपमेयर रेणु झा आफ्नै मेयरविरुद्ध नगरपालिकाको कार्यालयलाई अन्य स्थानमा सार्न खोजेको भन्दै आमरण अनशनमा बसेकी थिईन ।

उनले आइतबार राति करिब ९ बजे अनशन तोडेको मेयर रामज्ञान मण्डलले बताए ।

यता, केही सँचारमाध्यमहरुले भने उपमेयर झा अझ अनसन बसिरहेको भनेर प्रचारवाजी समेत गरेका थिए ।

उपमेयर झा अनसनकै कारण अस्पतालमा भर्ना भएको कारण समेत दर्साइएको थियो ।

साभार :नयाँ पत्रिका अनलाईन