बस र हायस दुर्घटना, दुई जनाको मृत्यू

न्यूज ब्यूरो, राजविराज । प्रदेश नम्बर २ को सप्तरीमा यात्रुवाहक बसले विहिवार हायसलाई ठक्कर दिँदा दुई जनाको मृत्यु भएको छ भने आधा दर्जन यात्रु घाइते भएका छन् ।

पूर्व पश्चिम राजमार्ग अन्तर्गत कञ्चनरुप नगरपालिका–८ बेरियमा दुर्घटना भएको हो ।

पूर्वबाट पश्चिमतर्फ गईरहेको ना ५ ख ४६९२ नम्वरको बसले विपरीत दिशाबाट आउँदै गरेको बा ४ प ५०७९ नम्बरको हायसलाई ठक्कर दिएपछि दुर्घटना भएको जिल्ला प्रहरी कार्यालयका प्रवक्त प्रहरी नायव उपरीक्षक माधव प्रसाद काफ्लेले बताए ।

यद्यपी, मृतकको सनाखत भने हुन सकेको छैन् । दुर्घटनापछि उनीहरुको शवलाई अस्पताल पोष्टमार्टमको लागि पठाएको बताइएको छ ।

दुर्घटनामा परेर घाइते भएका केही यात्रुलाई विराटनगर र केहीलाई कञ्चनरुपस्थित धर्मेश्वर हस्पिटलमा उपचारको लागि भर्ना गरिएको प्रहरी नायव उपरीक्षक काफ्लेले बताए ।