काँग्रेस अधिवेशनः धनुषाधाम नगरपालिका ५ र ६ मा महतोद्धय सर्वसम्मत

न्युज ब्युरो,जनकपुरधाम । नेपाली काँग्रेसको १४ औँ अधिवेशनबाट धनुषाधाम नगरपालिकाको विभिन्न वडामा समिति चयन भएको छ ।

यसै क्रममा धनुषाधाम नगरपालिका वडा नम्बर ५ को सभापतिमा सँजय महतो सर्वसमतिले चयन भएका छन् ।

पार्टीको १४ औं महाधिवेशन मसिंरमै हुने भएपछि धनुषामा वाँकी रहेको वडा, पालिका र जिल्ला तहको अधिवेशन र आइतवार वडा अधिवेशन भएको छ ।

काँग्रेसमै सक्रिय रहँदै आएका नेपाली काँग्रेसका युवानेता संजय महतो सर्वसम्मतले चयन भएको निर्वाचन समितिका प्रतिनिधी धिरेन्द्र यादवले बताए ।

कर्मठ र शान्त र गम्भिर स्वभावका महतो वडा सभापतीमा सर्वसम्मत चयन भएको क्रियाशिल सदस्यहरुले बताएका छन् । निर्वाचित उपसभापती जैसी यादव ,देब नारायण दाहा र सचिव राजिव यादव (रामपुकार), सहसचिवमा गुलाब मण्डल सहितका युवाहरु चयन गरिएको छ।

नव पदाधिकारीहरुलाई पूर्व वडा सभापति जोगकुमार महतो, वडा अध्यक्ष इन्द्रकुमार महतो, श्याम महतो ,शंकर यादव लगायत अविर माला लगाई बधाई एवं शुभकामना दिएका थिए ।

यस्तै, नेपाली काँग्रेसको वडा नम्बर ६ को सभापतिमा खुसिलाल महतो चयन भएका छन् । समितिको सचिवमा मोख्तार हुसैनलाई सर्वसमहितले चयन गरिएको जनाइएको छ ।

नेपाली काँग्रेसमा सक्रिय मानिएका युवा नेता हुसैनलाई आईतबार सम्पन्न १४ औ वडा अधिवेशनबाट सर्वसमहतले सचिवमा चयन गरिएको छ । समितिको सह सचिवमा आशिक लामा रहेका छन् ।

सोही अधिवेशनबाट वडा समितिको उप–सभापतिमा हेमन्त कुमार यादव र कमल कुमार दासलाई चयन गरिएको हो । वडा नम्बर ५ को क्षेत्रीय समितिमा भने शँकर प्रसाद यादवलाई चयन गरिएको बताइएको छ ।