सामान्य प्रशासन मन्त्रीको स्वकिय सचिवमा रौतहटको दिलिप पटेल नियुक्त

न्यूज ब्यूरो, जनकपुरधाम । नेपाल सरकारको संघीय मामिला तथा समान्य प्रशासन मन्त्री राजेन्द्र श्रेष्ठको स्वकीय सचिवमा प्रदेश २ का दिलीप कुमार पटेललाई नियुक्त गरिएको छ ।

तत्कालिन मधेशी जनअधिकार फोरम हुँदै जनता समाजवादी पार्टीमै तल्लिन रहेका युवा नेता पटेललाई उनको ईमान्दारी र पार्टीप्रतिको लगनशिलताको आधारमा स्वकीय सचिवमा नियुक्त गरिएको हो ।

जनता समाजवादी पार्टी (जसपा) नेपालबाट मन्त्री बनेका समान्य प्रशासन मन्त्री राजेन्द्र श्रेष्ठले मधेश आन्दोलनमा समेत नेतृत्व गरेका पटेललाई स्वकीय सचिवको रुपमा नियुक्त गरेको हो ।

मन्त्री श्रेष्ठको नीजि सचिवालयमा रिक्त रहेको स्वकीय सचिवको पदमा रौतहट जिल्लाको ईनर्वा वडा नम्बर २ बस्ने पटेललाई गत कार्तिक २५ गते नै नियुक्त गरि नियुक्ती पत्र समेत दिएको हो ।

पटेल मधेश जनविद्रोह, मधेश आन्दोलनमा तत्कालिन मधेशी जनअधिकार फोरम, संघीय समाजवादी पार्टी, जनता समाजवादी पार्टी नेपालमा निरन्तर नेतृत्वदायी भूमिका निर्वाह गर्दै आएको भन्दै उनको ईमान्दारिता र लगनशिलताको आधारमा कार्यमूल्याँकन गरी स्वकीय सचिवको जिम्मेवारी दिएको हो ।