सर्लाहीमा २९ सय ३९ शिक्षक दरबन्दी अभाव : इकाइ प्रमुख कुशवाहा

न्यूज ब्यूरो, सर्लाही । सर्लाहीमा शिक्षक दरबन्दीको चरम अभाव रहेको शिक्षा विकास तथा समन्वय इकाइ प्रमुख रामअधार सिंह कुशवाहाले बताएका छन् ।

इकाइले आयोजना गरेको स्वागत तथा सम्मान कार्यक्रममा बोल्दै २९ सय २९ शिक्षक दरबन्दी अभाव रहेको खुलासा गरेको छ ।

सर्लाहीमा प्रावि तहका ५५, निमावि तहका २७ र मावि तहका २३ गरी जम्मा १ सय ५ विद्यालयमा तहगत दरबन्दी नहुदाँ उक्त विधालयहरू निजि स्रोतको शिक्षकको भरमा चलेको शिक्षा विकास तथा समन्वय इकाइ, सर्लाहीको प्राविधिक सहायक सुनिल कुशवाहाले जनाएको छ ।

यी विद्यालयले स्थानीय तह, विधालयको आन्तरिक आम्दानी वा चन्दाबाट आउने रकमबाट शिक्षकलाई तलब भुक्तानी गर्ने गरेका छन ।

सर्लाहीमा प्रावि तहमा १५९०, निमावि तहमा ६९५, मावि तहमा ६५४ गरी जम्मा २९ सय ३९ शिक्षक दरबन्दी आवश्यक रहेका छन । अर्थात विद्यालय, विद्यार्थी संख्या, विषयगत र कक्षागत आधारमा जिल्लालाई २९ सय ३९ थप शिक्षक आवश्यक रहेको छ ।

कुशवाहा अनुसार एक जना शिक्षकले १ सय भन्दा बढी विद्यार्थीलाई पढाउने गरेका छन । जबकि सरकारले तराईका जिल्लामा ५० विद्यार्थी बराबर एक शिक्षकको अनुपात तोकेको छ, कुशवाहाले भने शिक्षकको चरम अभावमा गुणस्तरीय शिक्षा भाषणमा मात्रै सिमित बन्दै गएको छ ।

शिक्षा ऐनर नियमावलीले एउटा प्रावि तहमा न्यूनतम ३, निमावि तहमा ४ र मावि तहमा न्यूनतम ५ शिक्षक दरबन्दी हुनुपर्ने प्रावधान तोकेको छ । तर जिल्लाका १ सय ५ विधालयमा तहगत सरकारी शिक्षकको दरबन्दी छैन भने प्रावि १६४५, निमावि ३९७ र माध्यमिक तहमा ३४६ गरी जम्मा २३ सय ८८ मात्र शिक्षक दरबन्दी रहेका छन ।

अर्थात प्रावि तहमा दरबन्दी १२२१ र अनुदान÷राहत ४३९, निमावि तहमा दरबन्दी २८९ र अनुदानरराहत ११०, मावि तहमा दरबन्दी १७४ र अनुदानरराहत ८९ र मावि दस जोड दुईमा दरबन्दी २८ र अनुदान ५५ रहेका छन ।

कुल ७ लाख ६९ हजार ७ सय २९ जनसंख्या रहेको सर्लाहीमा सामुदायिक ४ सय ७८, संस्थागत २ सय ८३ र परम्परागत धार्मिक ८६ गरी जम्मा ८ सय ४७ विद्यालयहरु रहेका छन, भने बालविकास केन्द्र, आधारभूत तह, मावि, उमावि, मदरसा, संस्थागत विद्यालयहरूमा गरी १ लाख ६६ हजार ३ सय ५६ विद्यार्थी अध्ययनरत छन ।