गाउँमा आरोग्य सेवा केन्द्रले लाभदायक उपलब्धी हुदै : वडा अध्यक्ष महतो

न्युज ब्युरो, जनकपुरधाम । धनुषाधाम नगरपालिकाको वडा नम्बर ५ का वडाध्यक्ष ईन्द्र कुमार महतोले नागरिक आरोग्य केन्द्रबाट ठुलो उपलब्धी भईरहेको बताएका छन् ।

मँगलबार वडा नम्बर ५ को पर्वतामा नागरिक आरोग्य सेवा केन्द्रद्धारा आयोजना गरिएको राष्ट्रिय आरोग्य दिवस तथा धन्वन्तरि जयन्ती दिवस वडा अध्यक्ष इन्द्रकुमार महतोले पूजाआजा गर्दै आरोग्यले उपलब्धी दिरहेको बताए ।

सो कार्यक्रमको अवसरमा सेवा केन्द्रमा आएका विरामीहरुमा थप सेवाहरु पन्चकर्म (स्नेहन) र स्वेदन एवं रगत चेक जाँच जेष्ठ नागरिकहरुलाई स्वास्थ्य संरक्षण, सम्बर्द्धन हेतु बल बर्धक औषधि समेत वितरण गरे ।

जेष्ठ नागरिकहरुलाई आरोग्य प्रविधिबाट गरिने उपचारको बारेमा जानकारी समेत दिँदै वडाध्यक्ष महतोले थप सेवा निरन्तर सेवा प्रवाह गराउनको लागि आवश्यक व्यवस्थापन मिलाउने प्रतिबद्धता समेत जनाए ।

कार्यक्रममा नागरिक समाजका अगुवा बिक्रु मिझार,मा बि प्रीतपुर पर्वता प्रधानध्यापक जागेश्वर साह ,दुधमती एम मार्केटिङ इन्चार्ज बिशेश्वर मण्डल लगायतको उपस्थिति रहेको थियो ।