वडाध्यक्षको घरअगाडी टायर बालेर विद्यार्थीहरुको प्रदर्शन, माग पुरा नभए जनकारवाही गर्ने चेतावनी

न्यूज ब्यूरो, जनकपुरधाम । शुक्रबार धनुषाको सबैला नगरपालिकाको बरकुर्वास्थित माध्यमिक विद्यालयका प्रधानाध्यापकलाई कालोमोसो दलेको आरोपमा पक्राउ परेका विद्यार्थीको समर्थनमा नारावाजी गरिएको छ ।

पक्राउ परेका स्थानीय विकी कापर नामक विद्यार्थीको रिहाईको माग गर्दै सबैलाको विभिन्न स्थानमा प्रशर्दन गरिएको छ । सो प्रदर्शनमा जनमत पार्टीले समेत ऐक्यबद्धता जनाएका छन् ।

विद्यार्थीहरुले स्वस्फूर्त रुपमा गरेको जनकारवाहीको समर्थनमा प्रदर्शन गरिएको जनाइएको छ ।

विभिन्न ५ बुँदे माग राखेर गत सातादेखि आन्दोलनरत श्री फकिर चन्द उच्च माध्यमिक विद्यालय बरकुर्वा रघुनाथपुरका विद्यार्थीहरुले शुक्रबार प्रधानाध्यापकलाई गरेको जानकारीको समर्थनमा रघुनाथपुर बजारमा विद्यार्थी, अभिभावक र भद्रभलादमीहरुले प्रदर्शन गरेका छन्।

“भ्रष्टाचारी मुर्दावाद, हेडमास्टर राजिनामा दे, विद्यार्थीलाई किताब दे, पैसाको बिल दे, विद्यार्थीको माग पुरा गर, पक्राउ परेका विद्यार्थीलाई रिहा गर” जस्ता नारा लगाएर धनुषाको रघुनाथपुर बजारमा प्रदर्शन, नगर परिक्रमा र विद्यालय व्यवस्थापन समितिका अध्यक्ष एवं वडा अध्यक्षको घरको अगाडि प्रदर्शन गरेका छन्।

विद्यार्थीको माग पुरा नभए, विद्यालय सुधार नभए सम्बन्धीत थप पदाधिकारीहरुलाई पनि जनकारवाही हुने चेतावनी विद्यार्थीहरुले दिएका छन्।