देशको सात संवैधानिक आयोगहरुमध्ये मधेशी आयोग पहिलो स्थानमा

न्यूज ब्यूरो, जनकपुरधाम । देशको विभिन्न ७ वटा संवैधानिक अँगहरुमध्ये मधेशी आयोग पहिलो स्थानमा रहेको जुरी नेपालको कार्यपत्रमा उल्लेख छ ।

बुधबार जुरी नेपालको आयोजनामा आयोजित “संवैधानिक आयोगहरुको सिफारिस कार्यन्वयनको वर्तमान अवस्था र चुनौती” विषयक अन्तरक्रिया कार्यत्रममा मधेशी आयोगलाई पहिलो स्थान दिएको बताइएको छ ।

विभिन्न संवैधानिक आयोगहरु, मेची देखि महाकाली सम्मका अधिकारकर्मीहरु, मानवअधिकार संस्थाहरु लगायतको सहभागितामा तथा मधेशी आयोग र न्याय तथा मानव अधिकारका लागी संस्था (जुरी नेपाल) को सो कार्यक्रममा मानवअधिकार आयोगपछि मधेशी आयोगलाई पहिलो स्थानमा राखिएको हो ।

अधिवक्ता तथा जुरी–नेपालको कार्यक्रम निर्देशक मोहनलाल आचार्यद्वारा प्रस्तुत कार्यपत्रमा राष्ट्रिय मानवअधिकार आयोग पहिलो, मधेशी आयोग दोस्रो, थारु आयोग तेस्रो र राष्ट्रिय समावेशी आयोग चौथो स्थानमा रहेको देखाइएको छ ।

सो अध्ययन अनुसार यस बिधानको भाग २७ अनुसारका गठित सात वटा संवैधानिक आयोगहरुमा सिफारिसहरुको आधारमा पहिलो स्थानमा मधेशी आयोग, दोस्रो स्थानमा थारु आयोग र तेस्रो स्थानमा समावेशी आयोग रहेको छ ।

लगातार दुई वर्षका दुई वटा अध्ययन प्रतिवेदनहरु अनुसार अति न्यून मानवीय र भौतिक स्रोत साधनका बाबजुद पनि मधेशी आयोग अग्रस्थानमै रहेको छ ।

मधेशी आयोगका अध्यक्ष डा. विजयकुमार दत्तले चुनौतीहरुलाई अवसरमा रुपान्तरण गर्दै लिएर जानुपर्ने हामी सबैको प्रथम कर्तव्य रहेको बताए ।