रौतहटका यी नक्कली डाक्टरको बचाउमा उभिए पत्रकार महासँघका अध्यक्ष झा

न्यूज ब्यूरो, रौतहट । रौतहटस्थित अवैद्य रुपमा सँचालनमा रहेको एक पोलिक्लीनिकको नक्कली डाक्टरको पक्षमा पत्रकार महासँघ रौतहट शाखाका अध्यक्ष पनि उभेका छन् ।

रौतहट गुरुडा नगरपालिका वडा नम्बर ५, शिवनगर स्थित आनन्द पोलिक्लीनिक एण्ड एक्यूपँचर सेन्टरको बदमासीमा आफ्नो दायित्व भुल्दै नेपाल पत्रकार महासंघ रौतहका अध्यक्ष प्रेमचन्द्र झा उनको बचाउमा उभिएका छन् ।

मानव स्वास्थ्यमाथि गम्भीर खेलवाड गर्दै नक्कली डाक्टरले सञ्चालन गरेको आनन्द पोलिक्लीनिक एण्ड एकुपन्चर सेन्टर प्रालिद्धारा आयोजना गरिएको दसैं तिहार विशेष शुभकामना अदान–प्रदान कार्यक्रममा अध्यक्ष झाले उक्त पोलिक्लीनिक र त्यहाँका डाक्टर उमेश प्रसाद जयसवाल विरुद्ध जथाभावी लेखे कडाभन्दा कडा कारबाही गर्ने धम्की समेत दिए ।

पत्रकार महासंघको अध्यक्षको हैसियतले पनि झाले मानव स्वास्थ्यमाथि गरेको खेलवाडलाई ध्यान दिएर पोलिक्लिनिकको पक्षमा उभिन मिल्ने थिएन । तर, उनी भने खुलेआम रुपमा अमूल्य जीवनमाथि खेलवाड गर्ने डाक्टर र पोलिक्लिनिकको पक्षमा उभिए ।

विगत १० वर्षदेखि उमेश प्रसाद जयसवाल भन्ने व्यक्तिले नक्कली डिग्री देखाएर पोलिक्लीनिक समेत अवैद्य रुपमै सँचालन गरिरहेको समाचार न्यूज ब्यूरोले सम्प्रेषण गरेपछि दबाबको सामना गर्नुपरेको थियो । सो पोलिक्लीनिक ५ बेडको मात्र दर्ता गरी २५ बेडसम्म सँचालन गरेको पाईएको छ । यसरी, पोलिक्लीनिकले सरकारको राजश्व छली गरिरहेको छ ।

स्थानीय जनताले पटकपटक सम्बन्धित निकायमा उक्त पोलिक्लीनिकको बदमासीको विषयमा जानकारी गराएको भए पनि सम्बन्धित निकायले वास्ता गरेका छैनन् ।

गैरकानुनी ढंगले सञ्चालनमा रहेको उक्त क्लिनिकमा एउटै डाक्टर नरहेको र ४ बेडको सैया सञ्चालन लागि अनुमति रगेकोमा २५ बेडसम्म सञ्चालनमा रहेको पाइएको छ ।

उक्त पोलिक्लीनिकको सञ्चालक शिव शंकरको छोरा नाता भएका जयसवालले लामो समयसम्म आफुबाट भारतबाट डाक्टर पढेर आएको भन्दै बिरामीको चेकजाँच गरेको र केही समय अगि मात्रै स्थानीय र केही मिडियाले थाहा पाएपछि पोलिक्लीनिकको डाक्टर उमेश प्रसाद जयसवाल नाम हटाएका थिए ।

जयसवालले बिना काउन्सिल नम्बर आफुलाई डाक्टर हुँ भन्दै उपचार गरेको पाइए पछि पटक पटक डिग्रीको बारेमा सोध्दा उनले सोको प्रमाणपत्र र काउन्सिल नम्बर दिन सकेनन् ।