पूर्व राज्यमन्त्री मण्डलद्धारा सरकारी समानको बरबुझारथ भइसकेको छः मन्त्रालय

न्यूज ब्यूरो, जनकपुरधाम । प्रदेश नम्बर २ का पूर्व उद्योग, पर्यटन वन तथा वातावरण मन्त्री सुरेश मण्डल पदच्युत हुने वित्तिकै सबै समानको बरबुझारथ गरिदिएको जनाएको छ ।

न्यूज ब्यूरोमा बुधबार विहान प्रकाशित भएको शिर्षकको समाचारप्रति ध्यानकर्षण गर्दै मन्त्रालयले पदबाट हटने वित्तिकै एक साताभित्रै सबै समान फिर्ता गरिदिएको उल्लेख गरिएको छ ।

मन्त्रालयले बुधबार खण्डन पत्र पठाउँदै समाचारलाई खण्डन गरेको छ । मन्त्रालयका सूचना अधिकारी बेचन कुमार महतो र स्टोर किपर राम बल्लभ मिश्राद्धारा हस्ताक्षरित पत्रमा पूर्व राज्यमन्त्री मण्डलले सबै सरकारी समानको बरबुझारथ गरेको उल्लेख छ ।

यद्यपी, पत्रमा चलानी नम्बर भने उल्लेख गरिएको छैनन् । सूचना अधिकारी महतो मण्डलले सबै समाग्री फिर्ता गरेको बताएका छन् ।

यता, पूर्व राज्यमन्त्री मण्डलले समेत आफू सबै समानको बरबुथारत पदबाट हटैकै दिन गरिदिएको बताएका छन् ।