'सिके राउतका कार्यकर्तालाई कारवाही नगरे देशैभरिको ईन्जिनीयरिँग सेवा ठप्प पार्छौ'

न्यूज ब्यूरो, सप्तरी । नेपाल ईन्जिनीयरिँग समाज प्रदेश नम्वर २ कार्यसमिति सप्तरीले जनकपुरका ईन्जिनीयर राजेश कुशवाहामाथि भएको दुरव्यवहारको विरोधमा देशैभरिको ईन्जिनीयरिँग सेवा ठप्प पार्ने चेतावनी दिएको छ ।

ईन्जिनीयरिँग समाज सप्तरीले सोमबार जिल्ला प्रशासन कार्यालय सप्तरी मार्फत गृह मन्त्रालयलाई बुझाएको ज्ञापन पत्रमा गत कार्तिक ४ गते का दिन संघिय खानेपानी तथा ढल व्यवस्थापन आयोजना कार्यलय, जनकपुरका आयोजना निमित्त प्रमुख ई. राजेश कुशवाहामाथि जनमत पार्टीका नेता कार्यकर्ताहरुद्वारा गरिएको अमानवीय व्यवहार विरुद्ध देशव्यापी रुपमा सेवा ठप्प गर्ने चेतावनी दिएको हो ।

“देश को उच्च मर्यादित बुद्धिजीवी ईन्जिनियर तथा राष्ट्र सेवक कर्मचारी माथी गरिएको अमानवीय व्यवहार को पराकाष्ठ हो।” ज्ञापन पत्रमा उल्लेख छ ।

ई. कुशवाहालाई दिनदहाडै तालिवानी शैलिमा कार्यलय प्रवेश गरि कुशवाहा लगायतका कर्मचारीलाई हाथपात गरि अमानवीय तरिकाले कार्यालय प्रमुखलाई नगर परिक्रमा गराउँदा पनि प्रहरी प्रसासन मुखदर्शकको रुपमा बसेको देख्दा देशमा कानुनी शासन नभएको अनुभुती भएको ज्ञापन पत्रमा उल्लेख छ ।

नेपाल ईन्जिनियरिङ् समाज प्रदेश नम्बर दुई समिति अन्तर्गत रहेको सम्पूर्ण ईन्जिनियरहरुको तर्फबाट कडा कारवाहीको माग गरेको हो ।

साथै विभिन्न समयमा कर्मचारीहरु लाई कुटपिट दुर्व्यवहार संग जोडिएको व्यक्तिलाई समयमा कार्वाही गरि कर्मचारीहरुलाई मनोवल बढाउन नसके देश भरी विरोधको कार्यक्रम घोषणा गरि ईन्जिनियरिङ् सेवा पूर्ण रुपमा ठप्प हुने चेतावनी दिएको हो ।

यसका साथै, डा. सिके राउतको अधिकारिक सचिवालयको फेसबुक पेजबाट ईन्जिनीयरहरुको तस्विर सहित दिएको धम्कीपूर्ण वक्तत्वप्रति आपत्ति जनाउँदै त्यस प्रकारको तुच्छ शब्दको प्रयोग गरी कुनै अधार प्रमाण बिना नै भ्रष्टाचारको हवाला दिइ कर्मचारी माथी भौतिक आक्रमण गर्ने लगायतका विभिन्न धम्की दिएको भन्दै कानुनी कारवाहीको माग समेत गरेको हो ।

“सिके राउत र उनका कार्यक्रतसहरुले समाजमा द्वन्द्व निम्त्याउन गरिरहेको गतिविधिहरू प्रति गृहमन्त्रालयलाई ध्यानाकर्षण गराउँदै आवश्यक छानबिन गरी कानुन बमोजिम कडा कारवाहीको लागि जोडदार माँग गर्दछौ।”– गृहमन्त्रीलाई बुझाएको ज्ञापन पत्रमा उल्लेख छ ।