शहिदनगरमा कार्तिक ४ र ५ गते कोरोना विरुद्धको भ्याक्सीन लगाइने

न्यूज ब्यूरो, जनकपुरधाम । धनुषाको शहिदनगरमा कार्तिक ४ गते (विहिबार) र कार्तिक ५ गते (शुक्रबार) गरी दुई दिन कोरोना विरुद्धको खोप लगाउने भएको छ ।

शहिदनगर नगरपालिकाले एक सूचना जारी गर्दै कोरोना विरुद्धको खोपको लागि अष्ट्राजेनिका नामक खोप लगाइने भएको छ । १८ बर्षमाथिका व्यक्तिहरुले अष्टराजेनिकाको पहिलो डोज कार्तिक ४ र ५ गते लगाउन आग्रह गरिएको छ ।

शहिदनगर नगरपालिकाको यदुकूहास्थित रहेको प्राथमिक स्वास्थ्य केन्द्र (अस्पताल) मा बिहान १० बजेदेखि अपरान्ह (बेरिया) ४ बजेसम्म स्वासथ्यकर्मीहरुले भ्याक्सीन लगाउने कार्यक्रम रहेको नगरपालिकाका प्रमुख प्रशासकीय अधिकृत सत्रुध्न यादवले जानकारी दिए ।

यादवका अनुसार, १८ बर्ष उमेर पुरा भएको नगरवासीलाई अष्ट्राजेनिका खोपको पहिलो डोज लगाइने छ । उनले खोप लगाउनको लागि समयमा उपस्थित भई अनिवार्य खोप लगाउन अनुरोध समेत गरेका छन् । अधिकृत यादवले आफूले जानकारी पाएपछि अरुलाई समेत खोप लगाउने बारे जानकारी गराउन अनुरोध गरेका छन् ।