जनकपुरधाममा 'मोहम्मद डे' को उल्लास, जनकपुरभरी वृहत रयाली

न्यूज ब्यूरो, जनकपुरधाम । इस्लाम धर्मका प्रवर्तक मोहम्मद सल्लाह अलैवसल्लामको जन्मजयन्तीको अर्थात “मोहम्मद डे” को अवसरमा जनकपुरमा वृहत रयाली निकालिएको छ ।

उनको १४९६ औँ जन्मजयन्ती ‘मोहम्मद डे’ को अवसरमा मुस्लिम समुदायले बुधबार जनकपुरमा वृहत र्‍याली निकालेका छन्। जनकपुरको चोकचोकमा मोहम्मद डे को उल्लास देखिएको थियो ।

जनकपुरधामस्थित नमस्कार चौकबाट निकालिएको वृहत धार्मिक र्‍याली मुर्ली चौक, कदमचोक, भानुचोक, शिवचोक, जनकचोक, रामचोक, महावीर चोक हुँदै पुनः नमस्कर चोकमा पुगेर कोणसभामा परिणत भएको थियो ।

मोहम्मद डेको अवसरमा ईस्लाम धर्मावलबीहरुले विभिन्न भेषभुषामा सजिएर र्‍यालीमा सहभागी भएका थिए। उनीहरुले गालामा स्टीकरदेखि लिएर ईस्लामिक धार्मिक झण्डाहरु फहराउँदै मोहम्मद डे मनाएका छन् ।

जनकपुरमा निकालिएको जुलुसे मोहम्मदी कार्यक्रममा मुस्लिम सनुदायका सयौँ मानिसहरुको सहभागी रहेको थियो। साथै राजनीतिकर्मी नेताहरूले मोहम्मद डे को शुभकामना व्यक्त गरेका थिए।

मुस्लिम आयोगका अध्यक्ष समिम मिया अन्सारी, लोसपाका वरिष्ठ नेता राजेन्द्र महतो, उमा शंकर अरगरिया, जनकपुर उपमहानगरका मेयर लालकिशोर साह, मुस्लिम अगुवा हकिम राईन, युवा अगुवा जानी खान मधेशी, वडा अध्यक्ष जानकी राम साह, सलामत राईन, नाजिर हुसेन, साजिद हुसेन, वसिम अकरम लगायत सयौं नेताहरूको उपस्थिति रहेकोे थियो साथै सयौं मुस्लिम धर्म गुरु सहभागी थिए।