जनकपुरमा घर अगाडीबाटै मोटरसाईकल बेपत्ता

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामस्थित घर अगाडीबाटै मोटरसाईकल चोरी भएको छ ।

मँगलबार दिउँसो करिब १२ः३० देखि १ः०० बजेको समयमा जनकपुरधाम उपमहानगरपालिका वडा नम्बर १३ स्थित स्थानीय गोपाल पजियारको मोटरसाईकल चोरी भएको हो ।

प्रदेश २–०२–००३ प ६५८४ नम्बरको एनएस २०० कालो मोडेलको गाडी चोरी भएको हो । दिनदहाडै मोटरसाईकल चोरी भएपछि टोल बासिन्दामा पनि सशँकित भएका छन् ।

विगत केही महिनादेखि जनकपुरमा मोटरसाईकलको चोरी घटनामा वृद्धि भएको छ ।