धनुषाका MIS अपरेटरहरुको १३ सदस्यीय समिति गठन, अध्यक्षमा यादव

न्यूज ब्यूरो, जनकपुरधाम । धनुषाको विभिन्न स्थानीय तहमा कार्यरत एमआईएस अपरेटर तथा फिल्ड सहायकहरुले १३ सदस्यीय समिति गठन गरेको छ ।

शनिबार जनकपुरधामस्थित एमआईएस अपरेटरहरुको बसेको बैठकबाट सुशिल कुमार यादवको अध्यक्षतामा १३ सदस्यीय समिति गठन गरिएको हो । विभिन्न स्थानीय तहमा कार्यरत त्यस्ता कर्मचारीहरुको हकहितको लािग समिति गठन गरिएको बताइएको छ ।

यादवलाई सर्व सहमतिले अध्यक्षमा चयन गरिएको बताइएको छ । उनी धनुषाको क्षीरेश्वरनाथ नगरपालिकामा कार्यरत छन् । समितिको उपाध्यक्ष विकेश कुमार यादवलाई चयन गरिएको छ । यादव धनुषाको शहिदनगर नगरपालिकामा एमआईएस अपरेटरको रुपमा कार्यरत छन् ।

यस्तै, समितिको अर्को उपाध्यक्षमा राजेश यादवलाई चयन गरिएको छ । सचिवमा भने कल्पना कुमारी यादवलाई चयन गरिएको उपाध्यक्ष बिकेश यादवले जानकारी दिए । समितिको सह–सचिवमा धीरज साह (लक्ष्मीनियाँ गाउँपालिका) लाई चयन गरिएको हो ।

समितिको कोषाध्यक्षमा सुनिल कुमार सिँह राजपुतलाई चयन गरिएको बताइएको छ । धनुषाको सबै स्थानीय तहको एमआईएस अपरेटरहरुको बृहत भेलाले सो समितिको पदाधिकारीहरु चयन गरिएको हो ।

यस्तै, समितिको सदस्यहरुमा अन्जु कुमारी, शिव कुमार सिँह, पूजा साह, श्रवण साह, दिपेन्द्र झा, मकेश्वर यादव र सँजय साह रौनियार लगायतका रहेका छन् ।

सोही बैठकबाट तीन सदस्यीय सल्लाहकार समिति समेत चयन गरिएको हो । सल्लाहकार समितिमा बिष्णुदेव यादव, ललित साह र सँतोष कुमार साहलाई चयन गरिएको छ ।

समितिले धनुषाभरिकै एमआईएस अपरेटरहरुलाई कुनै समस्या परेको बेला सहयोग गर्ने तथा अन्य विषयवस्तुको लागि पनि छलफल जारी राखिने बताइएको छ ।