'मुख्यमन्त्री लालबाबु राजीनामा दे' भन्दै बारामा प्रदर्शन

न्यूज ब्यूरो, बारा । २ नम्बर प्रदेशका मुख्यमन्त्री लालबाबू राउत गद्दी भ्रष्टाचार र अनियमिततामा लागेको आरोप लागेपछि राजिनामाको माग गर्दै प्रदर्शन गरिएको छ ।

मुख्यमन्त्री राउतले गरेको भ्रष्टाचार र अनियमितताले प्रदेशबासीको समेत मान सम्मानमा पटक–पट्क ठेस पुगेकोले लोकतान्त्रिक समाजवादी बिद्यार्थी संघ बाराले बिहीबार सदरमुकाम कलैयामा प्रदर्शन गरेको हो।

मुख्यमन्त्री राउतले ल्याएको “बेटि बचाउ बेटि पढाउ” कार्यक्रम अन्तर्गत भएको साइकिल खरिदमा व्यापक आर्थिक अनियमितता भएको गुनासो पाएपछि अख्तियार दुरुपयोग आयोग टङ्गाल काठमाडौ र बर्दीबासको संयुक्त टोलिले मुख्यमन्त्री राउत कार्यालयमा बुधबा छापा हानेको थियो ।

टोलिले अनुसन्धानको लागि साईकल खरिद प्रक्रियाका सम्पुर्ण कागजात नियन्त्रणमा लिइ लगेपछि प्रदेश २ सरकारको आलोचनाले हिजो आज चर्चा पाएको छ।

मधेस आन्दोलन र खास गरि मधेसीको बलिदानीबाट पाएको मुख्य मन्त्री जस्तो पदको दुरुपयोग गर्दै प्रदेश र प्रदेश बासीको मान र स्वाभिमानमा ठेस पुर्याउने काम गरेकोले राउतको कार्य शैली प्रती असन्तुस्टि र आक्रोश पोख्दै आफुहरु प्रदर्शनमा उत्रिएको अध्यक्ष सन्तोष यादबले बताएका छन् ।

यादबले प्रदेशको बिकास र मधेसी,जनजाति,उत्पिडित ,मुस्लिम ,दलितका हकअधिकार सुनिश्चित गर्न जनताले दिएको मुख्यमन्त्री जस्तो पदको गरिमा भुलेर स्वार्थ र लोभको कारण आसेपासेको गोजि भर्ने अभियानमा अन्धो भएको ब्यक्तीले नैतिकताको अधारमा राजिनामा दिनुपर्ने बताएका थिए।

प्रदर्शनमा नेता ओमलोक पटेल सहित दर्जनौं प्रभावशाली बिधार्थी नेताको उपस्थिति रहेको थियो।