वडाध्यक्षका छोरा गोली सहित पक्राउ

न्यूज ब्यूरो, जनकपुरधाम । पूर्वी धनुषाको कमला नगरपालिकाका एक वडाध्यक्षका छोरा गोली सहित पक्राउ परेका छन् ।

कमला नगरपालिका वडा नम्बर ८ का वडाध्यक्ष राजेश्वर मरिक (यादव) का छोरा बर्ष ३२ को सरोज कुमार मरिक गोली लिएर पक्राउ परेका छन् ।

उनी धनुषाको शहिदनगर नगरपालिका वडा नम्बर ३ यदुकूहाबाट पक्राउ परेको इलाका प्रहरी कार्यालय यदुकूहाले जनाएको छ । उनको साथबाट गोली बरामद भएको प्रहरीले जनाएको छ ।

उनलाई पक्राउ गरी अहिले ईलाका प्रहरी कार्यालय यदुकूहामा राखिएको छ भने अनुसन्धान प्रक्रिया अगाडी बढाएको प्रहरीले जनाएको छ ।