'मधेशी दलाल होसियार, शहिदसँग कुर्शी साट्न पाउँदैन' भन्दै युवाहरुले मनाए कालो दिवस

न्यूज ब्यूरो, जनकपुरधाम । युथ एसोसिएशन अफ नेपालले विगत बर्षझै यस बर्ष पनि असोज ३ लाई कालो दिनको रूपमा मनाएको छ ।

युथ एसोसिएशन अफ नेपालका पदाधिकारी, सदस्यहरु सहित युवाहरुले प्रदेश नम्बर २ को अस्थायी राजधानी जनकपुरधाम सहित देशको राजधानी काठमान्डौँमा समेत नारावाजी गर्दै कालो दिवस मनाएको हो ।

सँविधान सँशोधन गर, मधेशको माग सम्बोधन गर, मधेशी दल होसियार, शहिदसँग कुर्सी साट्न पाउँदैन भन्ने मूल नारा सहित उनीहरुले असोज ३ लाई कालो दिवसको रुपमा मनाएको हो । असोज ३ गते सरकारले सँविधान दिवस मनाउन भनिएपनि सँविधानमा त्रुटी भन्दै कालो दिवस मनाएको हो ।

देशको विभिन्न स्थानमा नेपाली काँग्रेस, एमाले, एमाले (एस) ले सँविधान दिवस मनाएको हो भने आफूलाई मधेशी दल भनेर सम्बोधित गराउने जनता समाजवादी पार्टी, लोकतान्त्रिक समाजवादी पार्टीहरुले कालो दिवस मनाएको हो ।

सोही क्रममा युवाहरुले काठमान्डौँमा नारा जूलूस सहित बिजुली बाजारबाट रयाली निकाल्दै माइती घरसम्म रयाली गरेको थियो । माईती घरमा कोण सभा र श्रद्धाञ्जली कार्यक्रम समेत गरेको थियो । उनीहरुले मधेश आन्दोलनमा र सँविधान लेखनको बेला शहादत दिएका शहिदहरुको श्रद्धाञ्जली कार्यक्रम गरेको हो ।

उक्त कार्यक्रम संचालन चुडामणिा यादवले गरेको थियो भने वक्ताको रूपमा समाजसेवी शिव यादव, आशिक अलि लगायतले सम्बोधन गरेको थियो । उक्त कार्यक्रमको समापन कार्यक्रम संयोजक आदर्श सहनीले मधेसको मुद्दा राख्दै गरेको थियो ।

यता, सर्लाहीमा समेत विरोधका कार्यक्रमहरु गरिएको छ । संस्थापक अध्यक्ष राहुलराज यादव लगायत स्थानीय युवा बिरेन्द्र यादव, धर्वेन्द्र यादव, धर्बिन राय तथा दर्जनौं युवाको सहभागिता रहेको थियो।