विमान दुर्घटनामा ज्यान गुमाएकाप्रति श्रद्धाञ्जली

न्यूज ब्यूरो ||
जनकपुरधाम, ३ चैत्त ।
यूएस बाङ्ला एयरवेज दुर्घटनामा ज्यान गुमाएकाहरुको आत्माको चिर शान्तिका लागी धनुषाको महेन्द्रनगरमा दिप प्रज्वलन गरि श्रद्धाञ्जली सभा मनाइएको छ ।

माँ दुधमत्ती युवा क्लबको आयोजनामा शनिबार साँझ स्थानीय दुधमत्तीचोकमा दिप प्रज्वलन गरिएको हो ।

दुर्घटनामा परि ज्यान गुमाएकाहरुको सम्झना र मृतकहरुको चिर शान्तिका लागी दिप प्रज्वलन गरि श्रद्धाञ्जली सभाको आयोजना गरिएको हो ।

दिप प्रज्वलन कार्यक्रममा सहभागीहरुले मैनवत्ती बालेर मौनधारण समेत गरेका थिए । त्यस्तै उनीहरुले घाईतेको शिघ्र स्वास्थ्यलाभको कामना समेत गरेका छन् ।

श्रद्धाञ्जली सभामा क्लबका पदाधिकारी तथा स्थानीयवासी लगायत करिव ८० जनाको सहभागीता रहेको क्लबका अध्यक्ष सितेश कुमार झाले जानकारी दिएका छन ।