शिक्षकको सुविधामा कुनै कमी गर्दैनौ, विद्यार्थीको पढाईमा कमि हुनु भएनः अध्यक्ष भिन्भार

न्यूज ब्यूरो, जनकपुरधाम । शहिदनगर नगरपालिका अन्तर्गत एकिकृत अखिल नेपाल शिक्षक सँगठनका नगर अध्यक्ष कृष्ण भिन्भारले शिक्षकहरुको कुनै पनि सुविधामा कुनै कमि हुन नदिने बताएका छन् ।

बुधबार शहिदनगर नगरपालिकामा एकीकृत अखिल नेपाल शिक्षक संगठनको नगर स्तरीय प्रशिक्षण भेलामा बोल्दै नगर अध्यक्ष भिनवारले शहिदनगर नगरपालिकाभित्रको कुनै पनि शिक्षकलाई कुनै समस्या हुन नदिने बताउँदै विद्यार्थीको पठनपाठन समेत सौहार्द गर्नुपर्ने शर्त राखेका छन् ।

उनले शहिदनगर नगरपालिका भित्रको शिक्षाको स्तर र गुणस्तरियालाई अझै प्रगाढ बनाउनको लागि थप सेवासुविधाहरु समेत थपिने बताए । आफू समेत शिक्षक नै रहेको बताउँदै भिन्भारले शिक्षक शिक्षिकाहरुलाई कुनै पनि गुनासोको अवसर नदिने प्रयास गर्ने बताए ।

उनले धनुषा जिल्लामा शिक्षाको क्षेत्रमा शहिदनगरलाई माथिल्लो रैँकमा ल्याउनको लागि बालबालिकाहरुलाई त्यस्तै वातावरणमा अध्ययन अध्ययापन गराउन निर्देशन समेत शिक्षकहरुलाई दिए ।

शिक्षक भिन्भारकै अध्यक्षतामा बुधबार राखिएको नगरस्तरीय प्रशिक्षण भेलामा सँघका केन्द्रिय अध्यक्ष शंकर अधिकारीले प्रमुख आतिथ्यको आसनबाट बोल्दै शहिदनगरको सर्वागिँगन विकासको लागि शिक्षाको स्तर र गुणस्तर दुवैको रैँक माथि आउनुपर्ने धारणा राखे ।

उनले सुनेको अनुसार, शहिदनगर नगरपालिका शिक्षा क्षेत्रमा समेत बलियो रहेको बताउँदै झन बलियो बनाउनको लागि शिक्षकहरुलाई राजनीतिक छायाबाट परै रहनुपर्ने धारणा राखे । मेयरले विस्थापित शिक्षकहरुलाई पनि पुनः स्थापित गरेको निर्णय नै सर्वश्रेष्ठ निर्णय रहेको पनि बताए ।

यसका साथै शोषित पीडित बालबिकाश, कार्यालय सहयोगी, राहत , उच्च मा. बि. दरबन्दी , बिस्थापित शिक्षक , अन्य शिक्षकहरुको बारेमा समसामयिक बिषयबस्तुहरुको बारेमा सम्बोधन गर्दै केन्द्रिय स्तरका केहि सूचना प्रशिक्षण दिए ।

सो क्रममा विशिष्ट अतिथिको आसनबाट बोल्दै शहिदनगर नगरपालिकाका मेयर (नगर प्रमुख) उदय कुमार बरबरिया यादवले आफुले शिक्षक पेशा लाई सम्मान गर्दै शुरु देखी नै बालबिकाश शिक्षकहरुलाई प्रोत्साहन गर्न थप रकम दिदै आएको बताए ।

उनले पोशाक भत्ता पनि उपलब्ध गराउदै आएको जनाउँदै बिस्थापित शिक्षकहरुलाई मनोबल उच्च राख्न पुनः बिधालयमा खटाइ नगरपालिकाबाट रकम छुट्याएको तथा अन्य शिक्षकहरुका लागि पनि समयानुकूल बन्न र बनाउन प्रबिधि मैत्री सिपमुलक तालिमहरुको ब्यबस्थापन गरेको औल्याए ।

प्रशिक्षण कार्यक्रममा प्रदेश नम्बर २ को अध्यक्ष भुपनारायण अधिकारी यादवको विशिष्ट आतिथ्य, नपाल शिक्षक महासंघका केन्द्रिय सदस्य दिनेश राय, प्रदेश २ को राहत संयोजक गुलाब चन्द्र यादव , जिल्ला अध्यक्ष धर्मेन्द्र यादव , उपाध्यक्ष लोकेन्द्र यादव , जिल्ला सचिब देबनन्दन ठाकुर , सबैला नगरपालिकाका सचिब मनोज यादव, प्रअ श्रीप्रसाद गोहिबार यादव , नगर शिक्षा समिति सदस्य प्रदिप साह लगायत एअनेशिसं आबद्ध नगर पदाधिकारी, बालबिकाश शिक्षक, कार्यालय सहयोगी, राहत , बिस्थापित शिक्षक , अन्य शिक्षकहरुको उपस्थिति रहेको थियो ।