लहान यातायात कार्यालयबाट अस्थायी लाईसेन्स वितरण सुरु, पास भएलगत्तै लाईसेन्स

न्यूज ब्यूरो, सिरहा । सिरहाको लहान स्थित यातायात ब्यवस्था कार्यालय लहानले आजबाट अस्थायी सवारी चालक अनुमतिपत्र (लाईसेन्स) वितरण कार्य सुरु भएको छ ।

कार्यालयले मँगलबार पत्रकार सम्मेलन गरी अस्थायी सवारी चालक अनुमतिपत्र बितरण गरेको हो ।

सवारी ट्रयाल परीक्षा उत्तीर्णगरेपछि सेवग्राहीहरुले स्मार्ट लाईसेन्स कार्डको लागि एक वर्ष बित्दा पनि कुर्नुपर्ने झन्झट अब अन्त्य भएको कार्यालयले बताएको छ ।
अव त्यस अवधिसम्म यातायात कार्यालय दिएको चिट बोकेर सबारी साधनहरु चलाउनु पर्ने बाध्यताको अत्य भएको यातायात कार्यालय लहानका निमित्त प्रमुख मिन भट्टराईले जानकारी दिए ।

ट्रायल परिक्षा उत्तीर्ण भएका सेवा ग्राहीहरुलाई एक हप्ता भित्र क्यूआर कोर्डसहितको अस्थायी चालक अनुमतिपत्र कार्यालयले प्रदान गर्ने निमित प्रमुख भट्टराईले बताए ।

उनले अव कसैलेपनि चिट बोकेर सवारी साधन चलाउनुनपर्ने बताए । देशभरिका यातायात कार्यालयको ३२ शाखामध्ये काठमाण्डौ ,जनकपुर , महोत्तरीको बर्दिबास र सिरहाको लहानबाटमात्र अस्थायी चालक अनुमतिपत्र बितरण हुनथालेको यातायात कार्यालय लहानका नायव सुब्बा बिजय दाहालले जानकारी दिए ।