गुणस्तरीय शिक्षाका लागि हंसपुरका हेडमास्टरहरुलाई ७ दिने तालिम

न्यूज ब्यूरो, जनकपुरधाम । धनुषाको हंसपुर नगरपालिकामा शिक्षा पद्धति वृद्धिका लागि प्राध्यापकहरुलाई क्षमता वृद्धि गर्नका लागि बिज्ञहरुद्वारा तालिम शुरु गरिएको छ ।

हंसपुर नगरपालिकाको नगर प्रमुख रामज्ञान मण्डलका सभापतित्वमा प्रधानाध्यापकलाई क्षमता अभिवृद्धि तालिम सुरु गरिएको हो । बेल्हीस्थित रहेको यादव माध्यमिक बिधालको सभाहलमा ७ दिने तालिम शुरु भएको छ ।

सो कार्यक्रममा बोल्दै मेयर मण्डलले नगरमा पहिलो परिवर्तन गर्नुपर्ने शिक्षा भएकोले सोही अनुरुप बारम्बार शिक्षा क्षेत्रमा भौतिक निर्माणहरुको काम आवश्यकता अनुसार गरेका दाबी गरे । “गुणस्तरीय शिक्षा लागि हामी जनप्रतिनिधि हरेक प्रयास गर्ने छौ । त्यस अनुरुपमा हामी आज बिज्ञहरुद्वारा यो तालिम शुरु गरेका छौँ ।”

मेयर मण्डल र उपमेयर रेणु देवि झाले तालिमको संयुक्त दिपप्रज्वलन गरेर उद्घाटन गरे ।

सो कार्यक्रमको बिशिस्ट अतिथिको रुपमा उपस्थिति जनाएकी उपमेयर रेणु देवि झाले वास्तवमा नगरमा यस्ता कार्यक्रमहरु ल्याउन ढिलो भएको स्वीकार गर्दै अब शिक्षा क्षेत्रलाई मजबुत बनाउनको लागि तन्दुरुस्त कार्यक्रम आएको बताइन् । यस कार्यक्रमबाट नगरपालिकामा शिक्षामा ठूलो परिवर्तन आउने भन्ने आस राख्दै शुभकामना मन्तव्य समेत राखिन् ।

प्रशिक्षकमा डा. नागेश्वर सिंह ,तिलेशवर मण्डल लगायतका बिज्ञहरु द्वारा प्रशिक्षण दिने हो । नगरपालिका भित्रका सबै सामुदायिक बिधालयका प्रधानध्यापकहरुको सहभागीता रहेको छ ।

सो कार्यक्रममा प्रमुख प्रशासकीय अधिकृत रामलोचन मण्डल , जिन्सी प्रमुख शिव मण्डल सहित विभिन्न वडाका वडा अध्यक्षहरुको सहभागीता रहेको छ ।