जनकपुरको रामजानकी हस्पिटलले बच्चा उपचारको अढाई लाख रुपैयाँ छोडे, सबै उपचार बिल्कुल फ्रि

न्यूज ब्यूरो, जनकपुरधाम । जनकपुरधामस्थित राम जानकी अस्पतालले एक दलित बच्चाको उपचार खर्च छुट गरेका छन् ।

महोत्तरीको मटिहानी नगरपालिका वडा नं. ४ मझौराकी अमृतादेवी सदाले गरिबीका कारण आफ्नै बच्चाको उपचार खर्च तिर्न नसकिदा अस्पतालले अढाई लाख रुपैया छुट गरी घर पठाइएको हो ।

उनी भदौ २ गते जनकपुरको प्रादेशिक अस्पतालमा नोर्मल छोरा जन्माएकी थिइन् । तर बच्चालाई साँस फेर्न गाह्रो भएपछि डाक्टरले प्रादेशिक अस्पतालमा उपचार नहुने भन्दै अर्को अस्पतालमा लैजान सुझाव दिएपछि सदाले बच्चा लिएर भदौं ३ गते राम जानकी अस्पताल पुगेका थिइन् ।

'अस्पतालमा पुगेपछि डाक्टरले बच्चालाई भर्ना गरि उपचार गर्न लागे बच्चालाई स्वास फेर्न गार्‍हो हुँदा तत्काल भेन्टिलेरमा राख्नुपर्‍योू बालरोग विशेषज्ञ डा. हेमन्त शर्मा भने ।

डाक्टर शर्माका अनुसार १५ दिनको उपचारको क्रममा ८ दिन एनआइसियू, ७ दिन भेन्टिलेटर र ३ दिन सि–प्यापमा बच्चालाई राख्नुपरेको थियो उपचार पछि स्वस्थ्य अवस्था सामान्य भयो ।

१५ दिनको उपचारपछि बच्चाको स्वस्थ्य अवस्थामा सुधार आयो अब घर लैजान अस्पतालले बच्चाको आमा अमृता सदालाई जानकारी गराए अस्पतालको हिसाब गर्दा बिल भयो अढाई लाख रुपैयाँ यत्रो रुपैयाँ कहाँबाट तिर्ने हामी सबै चिन्तित भयो बच्चाको जेठी आमा रीता सदाले बताइन् ।

'अस्पताललाई अढाइ लाख बुझाउन हामीसँग न पैसा थियो न घरबाट पैसा खोजेर ल्याए दिने मान्छे त्यसैले म आफैं ऋण खोज्न घर आए तर ६ दिन सम्म खोज्दा पनि कसैले ऋण दिन्न मानेनन्' बच्चाको जेठी आमा रीता सदाले बताउछिन् पैसा खोज्दा खोज्दै बच्चालाई एक्लै छाडेर अस्पतालबाट सबैजना घर आइसकेको थिए तर अस्पताललाई तिर्ने पैसा के उपाय हुनु हामीलाई अस्पताल फिर्ता जान्न बस भाडा पनि भेटाएन ।

६ सम्म अस्पतालमा कोहि नपुगेपछि अस्पतालले फोन गरेर पैसा नभएपनि बच्चालाई लैजान भनेपछि हामी छोरालाई लिन अस्पताल आएको अमृता सदाले बताइन् ।