जेसिज समाजको लागि वरदानको रुपमा अघि बढनुपर्छः नेता साह

न्यूज ब्यूरो, जनकपुरधाम । लोकतान्त्रिक समाजवादी पार्टी (लोसपा) का नेता सँजय कुमार साहले जेसिजलाई समाजको कल्याण र वरदानको रुपमा स्थापित हुनुपर्ने धारणा राखेका छन् ।

शनिबार जनकपुरमा जनकपुर जेसिजद्धारा आयोजित मेमोरी वर्कशप ट्रेनिङगको क्रममा प्रमुख अतिथिको आसनबाट बोल्दै नेता साहले अन्य सँस्थाहरुको तुलनामा जेसिज जस्तो प्रतिष्ठित सँगठनले समाजमुखि कार्यहरुमा अग्रसर हुनुपर्ने धारणा राखे ।

जनकपुर जेसिजका अध्यक्ष जेसी मनोज कुमार साहको अध्यक्षतामा सम्पन्न भएको एकदिने सो वर्कशपको क्रममा पदाधिकारी तथा सदस्यहरुसँगको शिष्टाचार भेटघाट सहित पुरानो कार्यहरुको समिक्षा समेत गरिएको थियो । जेसिजको लागि र समाजको लागि योग्दान दिएका व्यक्तिहरुलाई स्मरण स्वरुप सम्मान समेत सो वर्कशप कार्यक्रममा गरिएको थियो ।

नेपाल केन्द्रीय मत्स्य सहकारी संघको केन्द्रीय अध्यक्ष समेत रहेका नेता साहले जेसिहरुलाई जनकपुर सहित आसपासको क्षेत्रमा सचेतनात्मक कार्यक्रमहरुको लागि अग्रसर हुन सुझाव दिँदै सम्मानको लागि कृतज्ञता पनि व्यक्त गरे ।

एकदिने वर्कशप कार्यक्रममा जेसिजका पदाधिकारी तथा सदस्यहरुलाई समाजिक कार्यमा अग्रसरता भावी नीति, आगामी कार्यक्रमहरुको बारेमा प्रशिक्षण दिएको हो । उनीहरुलाई समाजीक कार्यको लागि तौर तरिका र आउन सक्ने समस्याको उपायहरुबारे समेत प्रशिक्षण दिएको हो ।

सो कार्यक्रम जेसी राजेन्द्र प्रसाद साहको सँयोजकत्वमा गरिएको थियो भने सँचालन भने जनकपुर जेसिजका महासचिव राजकुमार साहले गरेका थिए । कार्यक्रममा जेसी विनय साहले अतिथिहरुलाई स्वागत मनतव्य राखेका थिए ।

एकदिने वर्कशपको लागि सहभागी जेसिहरुलाई इन्जिनीयर धीरज पँजीयारले भने प्रशिक्षण दिएको जनाइएको छ ।