मिथिला विहारी नगरपालिकाको प्रमुख प्रशासकीय अधिकृतमा यादव

न्यूज ब्यूरो, जनकपुरधाम । धनुषाको मिथिला बिहारी नगरपालिकाको प्रमुख प्रशासकीय अधिकृतमा रामदरश यादव आएका छन् ।

उपसचिव स्तरका रहेका अधिकृत यादवलाई विहिबार नगरपालिकाका मेयर अनिल कुमार यादवले अबिर माला लगाएर स्वागत गरे । प्रशासनीक कार्य सम्पादनको लागि यादवले अधिकृतको कार्यभार सम्हालेका छन् ।

सोही नगरपालिकामा शिक्षा शाखामा कार्यगर्दै आएका यादव आफ्नो कार्यसम्पादनलाई लिएर छवि बनाएका छन् । मिथिला बिहारी नगरपालिकाको कार्य सम्पादनको लागि अधिकृत यादवले अझ सफल रुपमा लाग्ने प्रतिवद्धता व्यक्त गरे ।

कार्यभार सम्हाल्दै अधिकृत यादवले शिक्षा शाखामा हुँदा देखाएको इमान्दारितालाई दृष्टिगत गरी प्रशासनीक कार्यको जिम्मेवारी समेत सफलता र कुशलतापूर्वक बहन गर्ने प्रतिवद्धता जाहेर गरे ।

उनलाई नगर प्रमुख यादव सहित उपप्रमुख, अन्य कर्मचारीहरु, जनप्रतिनीधिहरुले स्वागत गरेका थिए ।