ट्राफिक प्रहरी विरुद्ध आन्दोलनमा बस व्यावसायी, हटाइएका काउण्टर स्थापनाको माग

न्यूज ब्यूरो, सिरहा । सिरहा सहित पूर्व पश्चिम राजमार्गको विभिन्न स्थानमा टिकट काउण्टर राखेर यात्रुलाई सहजीकरण गर्ने निर्णय गरिएको छ ।

शुक्रबार सिरहा सहित पूर्व क्षेत्रका बस व्यावसायीहरुले पत्रकार सम्मेलन गरी सिरहा सहित राजमार्गको हरेक ठाउँमा टिकट काउण्टर राखेर यात्रुलाई सहजीकरण गर्ने निर्णय गरिएको हो ।

सगरमाथा बस ब्यवसायी प्रा.लि. लहानका अध्यक्ष हरिनारायण यादवको अध्यक्षतामा बसेको बैठकबाट विभिन्न निर्णयहरु गरी पत्रकार सम्मेलन मार्फत निर्णय सार्वजनिक गरिएको हो ।

लहानका यातायात मजदुरहरुले स्थानीय प्रशासन र नगरपालिकासँग व्यवस्थित व्यवसाय गर्न पाउ भनेर माग गरेका छन् । शुक्रबार सगरमाथा बस व्यवसायी प्रालिको कार्यालयमा पत्रकार सम्मेलन गरी पछिल्लो समय भएको घटना विषयमा जानकारी समेत दिएका छन् ।

गएको बुधबार यातायात मजदुरहरुको टिकट बुकिङ्ग काउण्टरबाट प्रहरी प्रशासनले सरसमान उठाएर लगेपछि मजदुरहरु आन्दोलित भएका छन् । बिहिबार उनीहरुले लहान बजारमा ट्राफिक प्रहरी र नगर प्रहरीले ज्यादती गरेको प्रदर्शन पनि गरेका थिए ।

पत्रकार सम्मेलनमा सगरमाथा बस व्यवसायी प्रालीका अध्यक्ष हरिनारायण यादवले यातायात मजदुरमाथि कुनै किसिमको ज्यादती मान्य नहुने बताए । हामीले यात्रुलाई सहज र यातायात मजदुरलाई पनि मार्का नपारी यातायात सञ्चालन गर्नुपर्ने बताए । प्रहरीले लगिएको सरसमान तुरुन्त फिर्ता गर्नु उनले माग गरे ।

लहान नगरपालिकाले नयाँ बस पार्क सञ्चालन गरेपछि विवाद देखिएको छ । नगरपालिकाले टिकट काउण्टर बस पार्कभित्रै राख्नुपर्ने अडानमा छन् । तर, व्यवसायीहरुले वर्षौदेखिकै ठाउँबाट टिकट काटन पाउनुपर्ने बताउँदै आएका छन् । बस पार्क सञ्चालन अघि नै जुन सम्झौता भएको छ त्यो अनुसार आफुहरु काम गर्न तयार रहेको उनले बताए ।

‘लहान बाहेकका शहरहरुमा काउण्टर एक ठाउँमा बस पार्क अर्को ठाउँमा रहेको देखिन्छ,’अध्यक्ष यादवले भने,‘काउण्टर नै बस पार्कमा किन लग्नुपर्यो । सवारी साधन पार्कमा जादैँछ ।’

‘हामीले टिकट काउण्टरबाट नै टिकट काट्ने र यात्रुले आफ्नो सुविधा अनुसार बस चढ्न र ओर्लन पाउनुपर्ने माग गरेका छौ,’ शम्भु चौधरीले भने,‘बस पार्कमा शुल्क सवारी साधनले तिर्दै आएको छ । बस पनि राख्ने गरेको छ । बजारमा भाडा बसेको ठाउँमा प्रहरी प्रशासनले गरिरहेको जर्वजस्ती रोक्नुपर्छ ।’ बजारमा एरियामा पनि ठाउँठाउँमा ५÷१० मिनेट सवारी रोक्न दिनुपर्ने सुविधा हुनुपर्ने उनले बताए । जसले यात्रुलाई सहज पुग्ने उनले सुनाए ।

‘अहिले कुनै मान्छेलाई लहानबाट नजिकै बजारमा जानुपर्ने हुँदा बस पार्कमा गएर सवारी समातेर जानु परे महगो हुन्छ,’ भुपाल घिमिरेले भने,‘जतिमा बजारबाट बस, म्याजिकमा चढेर गन्तव्यमा पुग्छ । त्यो भन्दा बढी भाडा बस पार्क पुग्नै खर्च हुन्छ ।’ यात्रुलाई झन्झटिलो र खर्चिलो बनाउन नहुने उनले सुनाए ।

बस पार्क सञ्चालनमा आफुहरु सक्दो सहयोग गर्ने उनले बताए । तर, जर्वजस्ती गर्दा आफुहरु पनि नमान्ने उनको भनाई छ । पूर्व–पश्चिम राजमार्गमा अवरोध राखेर जर्वजस्ती सबै सवारी साधनबाट पैसा उठाउनु नहुने उनले सुनाए । अहिले लहानमा यात्रु नलिने सवारीलाई पैसा तिर्नुपरेको उनले बताए । बस पार्कमा आवतजावत पनि सहज नरहेको उनको गुनासो छ ।

यसका साथै, यात्रुहरुको सुविधाकै लागि निकट भविष्यमा यात्रुको सुबिधालाई मध्य नजर गर्दै अनलाईनबट समेत टिकट काटने ब्यवस्था मिलाउदा मिलाउदै गत भदौ ९ गते लहानस्थित ट्राफिक प्रहरीले ज्यातदी गरेको भन्दै बस व्यावसायीहरुको समान फिर्ता गर्न माग गरेको हो । सो क्रममा ट्राफिक, जनपद प्रहरी सहित लहान नपाका नगर प्रहरीले बस मजदुरहरुको समान लिएको आरोप छ । सो समानहरु फिर्ता गरिदिनको लागि दबाब दिने निर्णय गरिएको हो ।

व्यावसायीहरुले पूर्व मेचीदेखि पश्चिम महाकालीसम्म बस सँचालन गर्ने निर्णय गरेको हो । उनीहरुले बीच बीचमा टिकट काउण्टर सहित यात्रु ओराल्ने र चढाउने बारे सख्त नियम बनाउने निर्णय समेत गरेको हो ।

राजमार्गमा बस स्टप हुँदाहुँदै पनि यात्रु चढाउन नचाहने बस व्यावसायी वा मजदुरलाई कारवाहीको दायरामा ल्याउने गरी निर्णय गरिएको हो । सोही क्रममा छोटो दुरीको सवारी सँचालनको लागि समेत निर्णयहरु गरिएको हो ।

सागरमाथा बस व्यावसायी सँघका पदाधिकारीहरु, माउण्ट सागरमाथा यातायात प्रा.लि.का सँचालक दिनेश कुमार साह सहित पदाधिकारीहरु लगायत अन्य बस व्यावसायीहरुको मोटो उपस्थितिले निर्णयहरु सार्वजनिक गरिएको हो ।