जनकपुरमा पेट्रोलियम मूल्यवृद्धिको विरोधमा युवासँघले टायर बाले

न्यूज ब्यूरो, जनकपुरधाम । सरकारले पेट्रोलिय पदार्थको मूल्यमा वृद्धि गरेको विरोधमा नेकपा एमाले निकटका युवाहरुले जनकपुरमा प्रदर्शन गरेका छन् ।

एमालेको भातृ युवा सँगठन युवा सँघ नेपालको सचिवालय सदस्य शम्भु साहको अगुवाई जनकपुरको शिवचोकमा प्रदर्शन गरेको हो । सरकारले गएराती पेट्रोलिय पदार्थको मूल्यमा केही मूल्य बढाएपछि मूल्यवृद्धि फिर्ताको माग गर्दै प्रदर्शन गरेका छन् ।

सोमबार राति १२ बजेदेखि लागू हुने गरी निगमले डिजेल, पेट्रोल र मटिटतेलसहित खाना पकाउने ग्यासको मूल्यमा वृद्धि गरेको हो । सोही मूल्यवृद्धिको विरोधमा नेता साहको अगुवाईमा टायर बालेर विरोध प्रदर्शन गरेको हो ।

डिजेल, पेट्रोल र मटिटतेल प्रतिलिटर २ रुपैयाँले बढेको छ । अब पेट्रोल प्रतिलिटर १३० रुपैयाँ, डिजेल तथा मटितेल ११३ रुपैयाँ र हवाई इन्धन ८६ रुपैयाँ कामय भएको निगमका प्रवक्ता उपाध्यायले जानकारी दिए । एलपी ग्यास प्रति सिलिण्डर २५ रुपैयाँ बढाएर १ हजार ४५० कायम गरिएको गरिएको छ ।