सिरहामा ट्रिपरले लियो एकको ज्यान, एक गम्भीर

बिनय यादव, सिरहा, १ चैत्र । सिरहामा ट्रिपरको ठक्करबाट एकजनाको ज्यान गएको छ भने एक गम्भीर घाइते भएका छन् ।

महेन्द्र राजमार्ग अन्तर्गत नरहा गाउँपालिका ३ नयाँ चोहर्वामा बिहिवार बिहान करिब ८:३० पुर्वबाट पश्चिम जाँदै गरेको स १ क १७१ नम्बरको ट्रिपरले पश्चिमबाट पुर्व जादै गरेको स ३ प १४५६ नम्बरको मोटरसाइकललाई ठक्कर दिदा मिर्चैया नगरपालिका ७ फुलवरिया बस्ने विशेश्वर यादवका छोरा २४ वर्षीय रामप्रताप यादवको घटनास्थलमै मृत्यु भएको हो भने मिर्चैया ७ कै जगरनाथ यादवका छोरा २५ वर्षीय उदयचन्द यादव गम्भीर घाइते भएका छन् ।

घाइते यादवको स्थानीय स्तरको अस्पतालमा उपचार सम्भव नभएपछि थप उपचारका लागि बि एन्ड बि अस्पताल काठमाडौं रेफर गरिएको र ठक्कर दिने ट्रिपरलाई नियन्त्रणमा राखिएको इलाका प्रहरी मिर्चैयाका प्रहरी नायब उपरीक्षक गजुसिद्धी बज्राचार्यले बताउनुभयो ।