जनकपुरमा युवाहरुको निरन्तर सेवा, कोरोनामा 'मास्क अभियान'

न्यूज ब्यूरो, जनकपुरधाम । कोरोनाको दोस्रो लहरको क्रममा निःस्वार्थ समाजसेवामा खटेका युवाहरु निरन्तर नागरिकलाई सहजताको लागि सेवामा तल्लिन देखिएका छन् ।

कोरोना महामारी नियन्त्रण व्यवस्थापन केन्द्रका पदाधिकारी एवम् सदस्यहरुले जनकपुरको चोक चोकमा मास्क अभियानको थालनी गरी मास्क नभएकाहरुलाई मास्क वितरण गरी सन्देश समेत दिन थालेका छन् ।

सोही क्रममा शुक्रबार लियोन क्लव अफ जनकपुरधामको आर्थिक सहयोगमा लियो क्लव अफ जनकपुरधाम र महामारी नियन्त्रण व्यवस्थापन केन्द्रको सहकार्यमा जनकपुरधाम उमहानगरपालिका वार्ड नं १ (मिल्स एरिया चौकमा) मास्क अभियान सँचालन गरे ।

नेपाल मास्क अभियानमा चौथो दिन युवाहरुले मिल्स एरियामा गाउँस्तरबाट आउने यात्रु सर्वसाधारणहरुलाई मास्क लगाउन तथा मास्क नभएकाहरुलाई अनिवार्य मास्क लगाउने गरेको देखिए ।

“सही तरीकाले मास्क लगाऔं, अरुलाई पनि सही तरीकाले मास्क लगाउन प्रेरित गरौं । जिम्मेवार नागरिक बनौं । आफू र अरुलाई कोभिड(१९ को संक्रमण बाट बचाऔं । नेपाल मास्क अभियान सफल पारौँ ।” मूल नाराका साथ युवाहरुले मास्क अभियानलाई निरन्तरता दिएका छन् ।

लियो क्लबका पदाधिकारीहरु, महामारी नियन्त्रण व्यवस्थापन केन्द्रका पदाधिकारीहरु, विद्यार्थी, युवाहरुले मिलेर मास्क अभियानलाई बलियो पारेका छन् ।

सो क्रममा अभियन्ता कैयुम राइन, न्यूज ब्यूरोका सँवाददाता एवम् लियो क्लबका सदस्य सलामत राईन, विद्यार्थी गुरुदयाल शर्मा लगायतका विद्यार्थीहरुले मास्क सहित सचेतनात्मक बैनर प्रदर्शन गरेको देखिएका थिए ।