प्रदेश २ः सरकारी गाडीमा मेयरको भोजपुरी डान्स

न्यूज ब्यूरो, रौतहट । प्रदेश नम्बर २ को रौतहट जिल्लाको एक नगर प्रमुखले सरकारी गाडीको प्रयोग गीति एल्बममा गरेपछि आलोचना भएको छ ।

रौतहट जिल्लाको देवाही गोनाही नगरपालिकाका नगर प्रमुख (मेयर) धर्मेन्द्र पटेलले भोजपुरी गितको एल्बम गीत बनाउन सरकारी गाडिको दुरुपयोग गरेको आरोप लगाउँदै समाजिक सँजालमा आलोचना भएको छ ।

सरकारले स्थानिय तहका जनप्रतिनिधिहरुलाइ कार्यालयको काममा प्रयोग गर्न गाडि उपलब्ध गराएकोमा मेयर पटेलले नाचगान र गित बनाउन सरकारी गाडिको प्रयोग गरेको आरोप छ।

यसरी सरकारी गाडिको दुरुपयोग गर्ने मेयर पटेल नाचगानमा मात्र नभई अरु व्यत्तिगत काममा समेत सरकारी सम्पत्तिको दुरुपयोग गर्ने गरेको देखिन्छ ।

यसरी सरकारी गाडिको दुरुपयोग भइरहदा सम्बन्धित निकाय मौन रहेको छ । मेयर पटेलले “मधेसको लाल उडावेला गुलाल” गीतमा आफैँ अभिनय दिएका छन् ।

यो गीतको गायक सुरज मिश्रा रहेको छ । प्रदेश १–०२–००१ झ ००२८ नम्बरको सरकारी गाडीको देवाही गोनाही नगरपालिकाका नगर प्रमुख धर्मेन्द्र पटेलले दुरुपयोग गरेको आरोपपछि समाजिक सँजालमा आलोचना भएको छ ।

यता, मेयर पटेलले होली मिलन समारोहमा केही भिडियो खिचिएको दाबी गरेका छन् । न्यूज ब्यूरोसँगको कुराकानीमा मेयर पटेलले स्थानीय स्तरमै आयोजना गरिएको होली मिलन समारोहमा सरिक मात्र भएको बताएका छन् ।

एल्बम र गीतमा सरकारी गाडी प्रयोग गरिएको बारे उनले समारोहमा मात्र सहभागीता जनाएको दाबी गरे ।