औरही गाउँपालिका सहित तीन जना विरुद्ध कानुनका विद्यार्थी यादवले हाले मुद्दा

न्यूज ब्यूरो, सिरहा । प्रदेश नम्बर २ को सिरहा जिल्लास्थित रहेको औरही गाउँपालिका सहित अन्य पाँच जना विरुद्ध कानुनका विद्यार्थी गुमस्ता कुमार यादवले मुद्दा हालेका छन् ।

गाउँपालिकामा गैर–कानुनी निर्णयहरु गरी नितिगत भ्रष्टाचार गरेको आरोप सहित मुद्दा दायर गरिएको हो । गाउँपालिकाका कर्मचारी र जनप्रतिनीधिहरुलाई विपक्षी बनाउँदै यादवले उच्च अदालतमा मुद्दा हालेका छन् ।

गाउँपालिकाले सुचना नदिईकन कार्य गरेको विरुद्ध औरही गाउँ पालिकाको कार्यलय लगायत ५ जना विरुद्ध उत्प्रेषण परमादेश लगायत निषेधाज्ञाको मुद्दामा उच्च अदालतले परमादेश जारी गरेको हो ।

औरही गाउँपालिकाकी उपाध्यक्ष सीता कुमारीको वारेशले उक्त पालिकाको कार्यलय औरही सिरहा , गाउँपालिका अध्यक्ष सिद्धार्थ यादब, गाउँपालिकाको कार्यपालिका , पालिकाको प्रमुख प्रशासकिय अधिकृत तथा सुचना प्रमुख गरि जम्मा पाँच जना विरुद्ध मुदा दर्ता गराएका छन ।

पालिकामा गैर कानुनी तवरले निर्णयहरु गरी नितिगत भ्रष्टाचार गरेको भन्दै आम नागरिकलाई अपूर्णिय क्षति भएको ठहर गर्दै उपाध्यक्ष सीता कुमारीले कानुनी सल्लाहकार समेत रहेका यादवको सहयोगमा मुद्दा हालेकी हुन् ।

उच्च अदालत जनकपुर राजबिराज इजलास नम्बर ४ का न्यायाधीश डा. रबि शर्मा अर्यालले विपक्षीहरुको नाउँमा निवेदकको माग बमोजिमको अन्तरिम आदेश जारी गरेका छन् ।

“न्यायिक समितिको संयोजन लगायत अनुगमन समितिको संयोजन उपाध्यक्ष नै हुन्छ भने स्थानीय सरकार संचालन ऎन र औरही गाउँपालिकाको आ.व. २०७६÷७७ को विशेष गाउँ सभा को निर्णय नं. ४४ मा प्रष्टै देखिन्छ । तर यी सबैलाई मिची कानुन बिपरित निर्णय गरि उपाध्यक्ष लगायत कसैलाई पनि सूचना नदिईकन पनपरि कार्य गरेको हुनाले मुद्दा गरेको छ ।”– यादले भने ।