भ्रष्टाचार र बेतिथि विरुद्ध युवाहरु एक जुट हुनुको विकल्प छैनः सँजालका युवाहरु

न्यूज ब्यूरो, जनकपुरधाम । पूर्वी धनुषाको कमला नगरपालिकास्थित कमला युवा सँजालका पदाधिकारीहरुले अन्तराष्ट्रिय युवा दिवसको अवसरमा दीप प्रज्वलन कार्यक्रम गरेको छ ।

कमला नगरपालिका वडा नम्बर ३ लगमा बजारस्थित रहेको देवी दुर्गाको मन्दिर प्राँगनमा २२ औँ अन्तराष्ट्रिय युवा दिवसको अवसरमा दीप प्रज्वलन गरी भ्रष्टाचार विरुद्ध एक हुने एक्यबद्धता समेत जनाएका छन् ।

कमला युवा सँजालका पदाधिकारीहरुले कमला नगरपालिका सहित अन्य क्षेत्रमा हुने भ्रष्टाचार, बेतिथिको विरोधमा आवाज उठाउन युवा एक मात्र विकल्प रहेको अवस्थामा युवाहरु एक जुटको अर्को विकल्प नभएको बताए ।

कमला युवा सँजालका अध्यक्ष विमलेश यादवको अध्यक्षतामा आयोजना गरिएको सो दीप प्रज्वलन कार्यक्रममा जय युवा, जय कमला भन्दै भ्रष्टाचारको विरुद्धमा एक्यबद्धता युवाहरुले जनाएका थिए ।

कमला नगरपालिकाभित्रको विभिन्न ठाउँमा देखिएको बेतिथिको विरोधमा आवाज उठाउन जोडतोडले लाग्नु नै युवा दिवसको मूल मर्म हुन सक्ने भाव उनीहरुले झल्काएका थिए ।

सो क्रममा कमला युवा सँजालका महासचिव चन्द्रदीप यादवले समाजमा हुने अन्याय, अत्यचार, बालविवाह, कानुनको उलँघन, गरिबमाथिको अन्याय, जातीय छुवाछुव, जातीय भावनाको विरोध युवाहरुले वायू बनेर यस्ता प्रवृतिलाई उडाउनुपर्ने धारणा राखेका थिए ।

कमला युवा सँजालका अन्य पदाधिकारीहरुले समेत अन्तराष्ट्रिय युवा दिवसको अवसरमा आ आफ्नो धारणा राखेका थिए ।

सो क्रममा अध्यक्ष बिमलेस यादव , महासचिव चन्द्रदीप यादव , सदस्य श्री नारायण मुखिया , प्रतिनिधि , लक्ष्मी साह , संतोष यादब , राजा यादव , पुरोषोतम यादव , गुड्डु यादव , श्रवण यादव , मिथिलेश मण्डल , राम उदगार मण्डल , मिधुन महारा , अजय यादब , कृष्णा यादव ,जयराम साह, सम्भु यादव, संतोष यादव, चन्द्रदीप कुमार यदुवंशी र स्वास्थ्यकर्मी मोदनारायण यादव (माधव यादव),ललित साह,मँजय यादवको समेत सहभागीता रहेको थियो ।