जनकपुरमा यसरी ओर्लियो भ्याक्सीनको लागि भीड, गेट तोडेर भित्र पसे सर्वसाधारण

न्यूज ब्यूरो, जनकपुरधाम । सरकारले घोषणा गरेको कोरोना विरुद्धको भ्याक्सीन (खोप) को लागि आम सर्वसाधारणहरुको मोटो भीड लागेको छ ।

जनकपुरधामस्थित जिल्ला जनस्वास्थ्य कार्यालयमा लगाउने भनिएको कोरोना विरुद्धको भ्याक्सीनको लागि जिल्लाभरिबाट सयौँको सँख्यामा भीड जम्मा भएपछि प्रहरी परिचालन गर्नुपरेको हो ।

जिल्ला जनस्वास्थ्य कार्यालयमा भ्याक्सीन दिरहेको खवर पाएलगत्तै जनकपुर पुगेका सर्वसाधारणहरुको सयौंको भीडले भ्याक्सीनेशन कार्यक्रम पनि प्रभावित भएको हो ।

विदेश जानको लागि सरकारले भ्याक्सिन अनिवार्य गरेपछि जिल्लाको विभिन्न ठाउँबाट आएको सयौंको सँख्याको युवाहरुले गेट तोडेर भित्र पसेका छन् । सुरक्षाकर्मीले सम्हाल्न खोजेपनि सम्हाल्न गाह्रो भएको हो ।

सर्वसाधारणहरुको भीड हेरेर जनस्वास्थयका कर्मचारीहरुले भने विज्ञापन नै नगरेपनि यतिको भीड आएको भन्दै विज्ञापन गरेको भए भ्याक्सीनेशन गर्न असम्भव हुने पनि सुनाए ।