भ्रामक समाचार सम्प्रेषण नगर्न ओरेकको आग्रह

न्यूज ब्यूरो, १२ साउन । केहि दिन पुर्व देखि विभिन्न संचारमाध्यममा ‘बेचिन लैजादै गरेका बालिकालाई धम्की दिएर बयार फेर्न लगाएको आरोप’ भन्दै प्रतिसोधको भावनाले महिला पुनस्र्थापना केन्द्र (ओरेक) प्रति छापिएको समाचार भ्रमात्मक र सत्य नरहेको भन्दै ओरेकले आपति जनाएको छ ।

ओरेकको प्रदेश २ कार्यालयले जनकपुरधाममा पत्रकार सम्मेलनको आयोजना गर्दै, ओरेकलाई मुछेर आरोप लगाउँदै प्रकाशित समाचार कपोकल्पित र वास्तविकत विहिन रहेको जनाइएको छ । सम्मेलनमा ध्यानाकर्षण पत्र पढ्दै केहि मिडियाले समाजमा भ्रमको खेति गरेको र मुद्दालाई विचलित बनाउन लागेको समेत जिकिर भएको छ ।

आरेकका कार्यकारी निर्देशक लुभराज न्यौपानेले हस्ताक्षर गरेको प्रेस विज्ञप्तिमा –“कहिलेकाँही मिडियाकर्मीहरुले घटनाको बास्तविकतालाई पहिचान नगरी अवास्तविक समाचारहरु वाहिर उजागर गर्दा हिँसा प्रभावितको सवालमा काम गर्ने संघ संस्था, अधिकारकर्मीहरु नै बिना आधार आरोपित हुनुपर्ने र संस्थाको काम प्रति नै प्रश्न खडा गर्ने अवस्था सिर्जना भएको छ ।”

ओरेकले पहिलो पटक समाचार प्रकाशित हुँदा नै उक्त संप्रेषीत समाचाहरु झुटो र आधारहिन भएको भनि मिति २०७८ साउन १ गते नै सम्पूर्ण सँचार माध्यमहरुलाई संस्थाले आधिकारीक ध्यानाकर्षण पत्र पठाईसक्दा पनि पुनः उक्त अनुरोधलाई गम्भिर रुपमा नलिई घटना सत्य तथ्य आधार नबुझि पुनः केही मिडियाहरुमा उक्त समाचारहरु आएकोले दुखी भएको जनाइएको छ।

संचारकर्मीहरु संगको छलफलमा ओरेक महोत्तरीमा कार्यरत लिला दियालिले पुजा पासवान (जनकपुरवाली) केहि हप्ता अघि कुटपिटको घटनामा परेको वेला भिडियोमा बोलेको आधारमा घटनालाई अनुसन्धानमा ल्याउन पर्ने बताएकि छिन् ।

पत्रकार रिङ्कु गायत्री मिश्राले राखेको भिडियोमा पुजा पासवानलाई दिउँसो २ बजे नै फोन आएको र पासवानलाई थाहा रहेको भन्ने समेत खुलेको छ ।

घटना पश्चात बालिकाहरू भेटिएको भनि खरब प्राप्त भए लगत्तै पुजा पासवान र पुजाले भिडियोमा उच्चारण गरेको जितेन्द्र पासवान त्यहाँ रहेको समेत दाबी गरेकि छिन् ।

घटनाको प्रारम्भिक अनुसन्धानबाट सुरु भइ बालिकाहरूको बयान पस्चात नै ओरेक ल्याई परामर्श सुरु गरिएको थियो । संचारमाध्यमले भनेको जस्तो मिलेमतो नरहेको समेत उनले दावि गरेकि छिन् ।

साथै उनले आफुले यदि त्यस्तो गरेको कुनै पनि प्रमाण रहे आफु जुनसुकै कार्वाही भोग्न तयार रहेको समेत कोट गरेकि छिन् ।

सम्मेलनमा ध्यानाकर्षण गर्दै भ्रमात्मक समाचारले गर्दा व्यक्ति र संस्थाको चरित्रहत्या गरेको हुनाले कानुनी कार्वाहीमा अघि बढ्ने समेत जनाएको छ ।