धनुषाधाम माविमा शिक्षक र व्यवस्थापन समितिलाई निषेध

विनय कुमार यादव ||
धनुषा, २७ फागुन । पटक पटक विवादमा रहेका धनुषाको धनुष जनता माविमा शिक्षक र विद्यालय व्यवस्थापन समितिलाई प्रवेश निषेध गरिएको छ ।

कैँयौ महिनादेखि पटक पटक आन्दोलन गर्दै आएका प्राविधिक सेक्सनका विद्यार्थीहरुले यसपालि विद्यालयका शिक्षक तथा विद्यालय व्यवस्थापन समितिलाई विद्यालयमा प्रवेश निषेध गरिएको भनेर बैनर लगाएको छ ।

नियमिति पठनपाठन नभएको तथा अन्य सहमतिका बुंदाहरु कार्यन्वयन नगरिएको भन्दै विद्यार्थीहरु आन्दोलित भएका छन् ।

यता, नगरपालिकाका मेयर बालेश्वर मण्डलले समस्या समाधान नहुन्जेल शिक्षक तथा कर्मचारीको तलब भत्ता रोक्का गरि राख्ने जनाएको छ ।

तलब भत्ता रोक्का गरेकै कारण शिक्षकहरु पठनपाठनमा झन अनियमितता गरेको भन्दै यस्तो समस्या आएको हो ।

यसअघि विद्यार्थीहरुले विद्यालयमा तालाबन्दी गर्दा शिक्षकले निर्घात कुटपिट गरी एक विद्यार्थीलाई गम्भिर बनाएका थिए ।

यस विद्यालयमा पटक पटक यस्ता विवादहरु नियमित हुँदै आएको छ ।